കോൺക്രീറ്റ് ഓട നിര്മിച്ചതിന്റെ പിറ്റേന്ന് തന്നെ ഒലിച്ച് പോയി; പ്രതിഷേധവുമായി നാട്ടുകാർ
മഴ വകവയ്ക്കാതെ കട്ടപ്പനയിൽ ഓട നിർമിച്ചതിന് പിന്നാലെ മഴ കഴിഞ്ഞപ്പോൾ ഓട തകർന്നു. കട്ടപ്പന നഗരസഭ പരിധിയിലെ നാലാം വാർഡായ കൊങ്ങിണിപ്പടവിൽ നിർമലാസിറ്റി പള്ളിപ്പടി - മ്ലാങ്കണ്ടം റോഡിലാണ് സംഭവം. മഴയും നാട്ടുകാരുടെ വാക്കും വകവെയ്ക്കാതെയാണ് ഐറീഷ് ഓട നിർമിച്ചത്. പിന്നാലെ മഴ ഉണ്ടായി. ഓട ഒലിച്ച് പോയി. ഇത് ഏഴര ലക്ഷം രൂപയുടെ പദ്ധതിയാണെന്നാണ് വിവരം. ഇതോടെ നഗരസഭയ്ക്കെതിരെയും കരാറുകാരനെതിരെയും കടുത്ത പ്രതിഷേധവുമായി നാട്ടുകാർ രംഗത്തെത്തി. അധികൃതർക്കെതിരെ നടപടി വേണമെന്നാണ് നാട്ടുകാരുടെ ആവശ്യം. കഴിഞ്ഞ ചൊവ്വാഴ്ചയാണ് 250 മീറ്ററോളം ദൂരം ഐറീഷ് ഓട നിർമിച്ചത്. മഴ പെയ്തതോടെ നിർമാണം പൂർണമായും ഒലിച്ച് പോകുകയായിരുന്നു.idukkiTimesXP MalayalamUpdated: 12 May 2023, 10:57 am