Accident: നിർത്തിയിട്ടിരുന്ന കാറിനു മുകളിലേക്ക് പാറ വീണ് സ്ത്രീ മരിച്ചു
1027 views
ഇടുക്കി വീഡിയോസ് സബ്സ്ക്രൈബ് ചെയ്യൂഇടുക്കിയിൽ പീരുമേട് കുട്ടിക്കാനത്തിന് സമീപം വളഞ്ഞങ്ങാനത്ത് നിർത്തിയിട്ടിരുന്ന കാറിനു മുകളിലേക്ക് മൺതിട്ടയും പാറയും ഇടിഞ്ഞു വീണ് സ്ത്രീ മരിച്ചു. പാഞ്ചാലിമേട് വിനോദ സഞ്ചാര കേന്ദ്രം സന്ദർശിച്ച് മടങ്ങുന്നതിനിടയിൽ കാറിന് മുകളിലേയ്ക്ക് പാറക്കല്ല് വീണാണ് അപകടമുണ്ടായത്. കാറിലുണ്ടായിരുന്ന സോമിനി മരിച്ചത്. കമ്പംമെട്ട് പോലീസ് സ്റ്റേഷനിലെ സിപിഒ വിപിൻ, ഭാര്യ കട്ടപ്പന പോലീസ് വനിതാ ഹെൽപ്പ് ഡസ്ക് ഉദ്യോഗസ്ഥ അനിത, ഇവരുടെ മക്കളായ ലക്ഷ്യ, ആദവ്, അനിതയുടെ അമ്മ ഷില, എന്നിവരാണ് അപകടത്തിൽപ്പെട്ടത്.ഇവരുടെ വീട്ടിലെ ജോലിക്കാരി സോമിനിയാണ് മരണപ്പെട്ടത്. ഇന്ന് വൈകുന്നേരം ഏഴരയോടെയാണ് അപകടം . പാഞ്ചാലിമേട് ടൂറിസം കേന്ദ്രത്തിൽ സന്ദർശനം കഴിഞ്ഞുവന്ന ഇവർ സഞ്ചരിച്ചിരുന്ന കാർ വളഞ്ഞങ്ങാനം വളവിൽ നിർത്തിയിട്ടിരുന്ന സമയം റോഡ് സൈഡിലെ മൺതിട്ടയും പാറയും ഇടിഞ്ഞ് കാറിന് മുകളിലേക്ക് വീഴുകയായിരുന്നു. നാട്ടുകാരുടെയും പീരുമേട് പോലീസ്, ഫയർ ഫോഴ്സ് എന്നിവരുടെയും നേതൃത്വത്തിൽ പരിക്കേറ്റവരെ പീരുമേട് താലൂക്ക് ആശുപത്രിയിൽ പ്രവേശിപ്പിച്ചു.