Tiger in Munnar: മൂന്നാർ ജനവാസ മേഖലകളിൽ കടുവ, നടപടി സ്വീകരിക്കാതെ ഉദ്യോഗസ്ഥർ
1087 views
ഇടുക്കി വീഡിയോസ് സബ്സ്ക്രൈബ് ചെയ്യൂകടുവ ഭീതി ഒഴിയാതെ മൂന്നാർ തോട്ടം മേഖല. ജനവാസ മേഖലകളിൽ ഇറങ്ങി കടുവ വളർത്തുമൃഗങ്ങളെ വ്യാപകമായി കൊല്ലുന്നത് പതിവ് സംഭവമാകുന്നു. മൃഗസംരക്ഷണത്തിനായി വനംവകുപ്പ് കാണിക്കുന്ന പരിഗണനയുടെ പകുതിയെങ്കിലും തോട്ടം മേഖലയിലെ സാധാരണ കുടുംബങ്ങളോട് ഉണ്ടാകണമെന്ന് കർഷകർ ആവശ്യപ്പെട്ടു. ക്ഷീര കർഷകരുടെ വരുമാന മാർഗമായ പത്തിലധികം പശുക്കളെയാണ് കടുവ കൊന്നത്. ഇതേതുടർന്ന് ശക്തമായ സമര പരിപാടികൾ വനം വകുപ്പിന് മുൻപിൽ സംഘടിപ്പിക്കാനാണ് പ്രദേശവാസികളുടെ തീരുമാനം. അതോടൊപ്പം കടുവയുടെയും പുലിയുടെയും ആക്രമണം മനുഷ്യർക്ക് നേരെയും ഉണ്ടാക്കുമെന്ന ആശങ്കയിലാണ് ജനങ്ങൾ. ക്യാമറകൾ സ്ഥാപിച്ച് കടുവയെ നിരീക്ഷിക്കണമെന്നും സുരക്ഷയ്ക്കായി വനപാലകരെ നിയോഗിക്കണമെന്നുള്ള ആവശ്യങ്ങൾ പ്രദേശവാസികൾ മുന്നോട്ട് വെച്ചിട്ടും യാതൊരു പ്രതികരണവും വനംവകുപ്പിന്റെ ഭാഗത്ത് നിന്നും ഉണ്ടാകുന്നില്ലെന്നും ആക്ഷേപമുയരുന്നുണ്ട്.