ജോലി വാഗ്ദാനം ചെയ്ത് കോടികളുടെ തട്ടിപ്പ്
1065 views
ഇടുക്കി വീഡിയോസ് സബ്സ്ക്രൈബ് ചെയ്യൂജോലി വാഗ്ദാനം ചെയ്ത് കോടികള് തട്ടിയെടുത്ത കേസില് യുവാവ് അറസ്റ്റില്. വെട്ടിക്കല് സാന്ജോ ജോസഫിനെ ആണ് അറസ്റ്റിലായത്. തൊടുപുഴ ഡിവൈ.എസ്.പി എം.ആര്.മധുബാബുവിന്റെ നേതൃത്വത്തിലുള്ള സംഘമാണ് അറസ്റ്റു ചെയ്തത്. ഇസ്രയേലില് ജോലി വാഗ്ദാനം ചെയ്തും ആളുകളെ കടത്തിയുമാണ് ഇയാൾ കോടികള് തട്ടിയത്. ഇയാളുടെ വാക്ക് വിശ്വസിച്ച് ജോര്ദാനിലെത്തിയവരെ ഇയാള് തന്ത്രപൂര്വം തിരിച്ചയച്ചു. ഇതേ തുടര്ന്നാണ് പണം നഷ്ടപ്പെട്ടവർ പരാതിയുമായി പോലീസിനെ സമീപിച്ചത്. റോസരി ട്രാവല്സ് ഇന്റര്നാഷണല് എന്ന സ്ഥാപനത്തിന്റെ മറവിലാണ് ഇയാൾ തട്ടിപ്പ് നടത്തിയത്. എണ്പതോളം ആളുകളില് നിന്നും പണം തട്ടിയെടുത്തതായാണ് വിവരം. 5.20 കോടി രൂപയുടെ തട്ടിപ്പാണ് ഇയാൾ നടത്തിയത്.