CPM Strike: ചെറുകിട കയ്യേറ്റങ്ങൾ ഒഴിപ്പിക്കുന്നു; സിപിഎം സമരത്തിന് ഒരുങ്ങുന്നു
1004 views
ഇടുക്കി വീഡിയോസ് സബ്സ്ക്രൈബ് ചെയ്യൂഒരുങ്ങുന്നു. ദൗത്യസംഘത്തിന്റെ നടപടിക്കെതിരെ ഭൂവുടമകളെ സംഘടിപ്പിച്ചുകൊണ്ടാണ് സിപിഎം സമരം നടത്തുക. ഇതിന്റെ ഭാഗമായി ചെറുകിടക്കാരെ ഒഴിപ്പിക്കുന്നതിൽ നിന്നും പിന്മാറണമെന്നാവശ്യപ്പെട്ട് കളക്ടർക്ക് നിവേദനം നൽകും. ഒഴിപ്പിക്കാൽ തുടർന്നാൽ ചിന്നക്കനാൽ ഭൂസംരക്ഷണ സമിതിയുടെ നേതൃത്വത്തിൽ ഇത് തടയാനാണ് സിപിഎം തീരുമാനം. 188 പേർ കയ്യേറ്റക്കാരുടെ പട്ടികയിൽ ഉൾപ്പെട്ടിട്ടുണ്ടെന്നാണ് സിപിഎം പറയുന്നു. കുടിയിറക്കിയതിൽ മൂന്നു പേർ ഇത്തരത്തിൽ പെട്ടവരാണ്. ചിന്നക്കനാലിൽ കർഷകർ രൂപീകരിച്ച ഭൂസംരക്ഷണ സമിതിക്ക് സിപിഎം ജില്ല സെക്രട്ടറി സിവി വർഗീസ് എല്ലാ പിന്തുണയും വാഗ്ദാനം ചെയ്തു. ജില്ലാ കളക്ടർ, മുഖ്യമന്ത്രി, റവന്യൂ മന്ത്രി തുടങ്ങിയവർക്ക് നിവേദനം നൽകും. അതോടൊപ്പം ചെറുകിട കയ്യേറ്റങ്ങൾ ഒഴിപ്പിക്കുന്നത് പുനപരിശോധിക്കണമെന്നാവശ്യപ്പെട്ട് ഹൈക്കോടതിയിൽ റിവ്യൂ പെറ്റീഷനും നൽകുമെന്നാണ് സിപിഎം അറിയിച്ചു. പേര് വെളിപ്പെടുത്താത്ത 17 പേർ ഉൾപ്പെടെ 35 വൻകിട കയ്യേറ്റങ്ങൾ പട്ടികയിലുണ്ട്. ഇവരുടെ കൈവശം മാത്രം 200 ലധികം ഏക്കർ ഭൂമിയുണ്ടെന്നും ഇത് ആദ്യം ഒഴിപ്പിക്കണമെന്നുമാണ് സിപിഎം നിലപാട്. 5 സെന്റ് മുതൽ 4 ഏക്കർ വരെയുള്ളവരെ ഒഴിപ്പിക്കുവാൻ പാടില്ല. ഒഴിപ്പിച്ചാൽ നഷ്ടപരിഹാരം നൽകണം. വിഷയത്തിൽ സർക്കാർ തീരുമാനം ഉണ്ടാകുന്നതുവരെ ചെറുകിട കർഷകരെ ഒഴിപ്പിക്കുന്നത് പൂർണമായി നിർത്തിവെക്കണം എന്നും സിപിഎം ആവശ്യപ്പെടുന്നുണ്ട്.