Chinnakanal Panchayat: ചിന്നക്കനാല് പഞ്ചായത്ത് ഭരണം എല്ഡിഎഫ് തിരിച്ചുപിടിച്ചു
ഇടുക്കി വീഡിയോസ് സബ്സ്ക്രൈബ് ചെയ്യൂ
ചിന്നക്കനാല് പഞ്ചായത്ത് ഭരണം എല്ഡിഎഫിന്. സിപിഐ അംഗം എന്എം ശ്രീകുമാറിനെ പ്രസിഡന്റായി തെരഞ്ഞെടുത്തു. സിപിഎം - സിപിഐ പ്രാദേശിക രാഷ്ട്രീയ പോരുമൂലമാണ്, ഭൂരിപക്ഷം ഉണ്ടായിട്ടും എൽ ഡി എഫിന് ലഭിക്കാതിരുന്നത്. പ്രസിഡന്റ് തെരഞ്ഞെടുപ്പില് സിപിഐ അംഗം എന്എം ശ്രീകുമാറിന് ഏഴ് വോട്ടുകള് ലഭിച്ചു. സിപിഎം സ്വതന്ത്ര ജയന്തി രവി, വൈസ് പ്രസിഡന്റായും തെരഞ്ഞെടുക്കപ്പെട്ടു.ചിന്നക്കനാലില് കോണ്ഗ്രസ് ആറ്, സിപിഐ നാല്, സിപിഎം രണ്ട്, സിപിഎം സ്വതന്ത്ര ഒന്ന് എന്നതാണ് കക്ഷി നില. ഭൂരിപക്ഷം ലഭിച്ചിട്ടും എല്ഡിഎഫിലെ ഭിന്നതമൂലം ഭരണം കോണ്ഗ്രസില് എത്തുകയായിരുന്നു. 12-ാം വാര്ഡിലെ സിപിഐ സ്ഥാനാര്ഥിയെ, സിപിഎം പിന്തുണയുള്ള സ്വതന്ത്ര പരാജയപെടുത്തിയതാണ് തര്ക്കത്തിന് കാരണം. 16 കള്ളവോട്ടുകള് ഇവിടെ ചെയ്യപ്പെട്ടതായി സിപിഐ ആരോപിച്ചിരുന്നു. തര്ക്കം ജില്ലാ നേതൃത്വം ഇടപെട്ട് പരിഹരിച്ചതോടെയാണ് ഭരണം എല്ഡിഎഫിലേയ്ക്ക് എത്തിയത്.