NEET Exam: ഡോക്ടറാകണം, ഹൈറേഞ്ചിന്റെ അഭിമാനമായി അൻസിമോൾ ബൈജു
ഇടുക്കി വീഡിയോസ് സബ്സ്ക്രൈബ് ചെയ്യൂ
എംബിബിഎസ് നീറ്റ് പരീക്ഷയിൽ ക്യാറ്റഗറി തലത്തിൽ ഒൻപതാം റാങ്ക് കരസ്ഥമാക്കി ആൻസിമോൾ ബൈജു. ഏറെ പരിമിതികൾക്കുള്ളിൽ നിന്നാണ് ഈ വിജയം നേടാൻ ആൻസിക്ക് സാധിച്ചത്. ജന്മനാ സംസാരശേഷിയില്ലാത്ത മാതാവ് സിന്ധുവും പിതാവ് ബൈജുവും മകളുടെ ആഗ്രഹത്തിനൊപ്പം കൂടെ നിന്നു . സാധാരണക്കാരിലേക്ക് ഇറങ്ങിച്ചെന്ന് പ്രവർത്തിക്കണമെന്നാണ് താൻ ആഗ്രഹിക്കുന്നതെന്ന് ആൻസി പറഞ്ഞു. ജില്ലയ്ക്കുതന്നെ അഭിമാന നേട്ടം സമ്മാനിച്ച ആൻസിയെ ഉപ്പുതറ ഗ്രാമപഞ്ചായത്തിന്റെ നേതൃത്വത്തിൽ അനുമോദിച്ചു. അനുമോദന ചടങ്ങിൽ പഞ്ചായത്ത് പ്രസിഡന്റ് കെജെ ജെയിംസ്, വൈസ് പ്രസിഡന്റ് സരിതാ പിഎസ്, പഞ്ചായത്ത് അംഗങ്ങളായ ഷീബ സത്യനാദ്, സിനി ജോസഫ്, ജെയിംസ് തോക്കൊമ്പേൽ, തുടങ്ങിയവർ പങ്കെടുത്തു.