കട്ടപ്പനയിൽ വീണ്ടും കാട്ടുപോത്തിന്റെ സാന്നിധ്യം
1017 views
ഇടുക്കി വീഡിയോസ് സബ്സ്ക്രൈബ് ചെയ്യൂകട്ടപ്പന വെട്ടിക്കുഴകവലയ്ക്ക് സമീപം കാട്ടുപത്തിന്റെ സാന്നിധ്യം. സമീപത്തെ വീട്ടിൽ സ്ഥാപിച്ച സി സി ടി വി ദൃശ്യങ്ങളിൽ നിന്നും കാട്ടുപോത്തിന്റേതെന്ന് തോന്നിപ്പിക്കുന്ന ജീവിയുടെ ദൃശ്യങ്ങൾ കണ്ടെത്തിയിരുന്നു. എന്നാൽ ഇത് വനം വകുപ്പ് കാട്ടുപോത്താണെന്ന് സ്ഥിരീകരിച്ചിട്ടില്ല. അതേസമയം തിങ്കളാഴ്ച രാത്രിയിൽ കട്ടപ്പന നഗരസഭയുടെയും ഇരട്ടയാർ പഞ്ചായത്തിന്റെയും അതിർത്തി മേഖലയായ പുഞ്ചിരിക്കവലയിലാണ് ഒരു സ്ത്രീ കാട്ടുപോത്തിനെ നേരിട്ട് കണ്ടതായി പറയുന്നത്. വീടിന് മുൻപിൽ നിൽക്കുമ്പോൾ റോഡിലാണ് കാട്ടുപോത്ത് നിന്നത് എന്നാണ് ഇവർ പറയുന്നത്. നാട്ടുകാർ വിവരം അറിയിച്ചത് അനുസരിച്ച് അയ്യപ്പൻകോവിൽ ഡെപ്യൂട്ടി റേഞ്ച് ഓഫീസർ അജയ് യും സംഘവും സ്ഥലത്ത് എത്തി. ഇവർ നടത്തിയ പരിശോധനയിൽ വീടുകൾക്ക് മുൻപിലും ഏലത്തോട്ടത്തിലും കാൽകുളമ്പുകളുടെ അടയാളങ്ങൾ കണ്ടെത്തി. എന്നാൽ ഇത് കാട്ടുപോത്തിന്റെതാണ് എന്ന് സ്ഥിരീകരിച്ചിട്ടില്ല.