മാലിന്യം വലിച്ചെറിഞ്ഞ് പിടിക്കപ്പെട്ടാൽ ഇനി നഗരസഭ പിഴ ഇടാക്കില്ല
1003 views
എറണാകുളം വീഡിയോസ് സബ്സ്ക്രൈബ് ചെയ്യൂകളമശ്ശേരി നഗരസഭ പരിധിയിൽ പൊതുസ്ഥലങ്ങളിൽ മാലിന്യം വലിച്ചെറിഞ്ഞ് പിടിക്കപ്പെട്ടാൽ ഇനി നഗരസഭ പിഴ ഇടാക്കില്ല. പകരം പോലീസിന് കൈമാറാനാണ് തീരുമാനം. പോലീസ് സംഭവത്തിൽ കേസെടുത്ത് കോടതിക്ക് കൈമാറും. മാലിന്യം പിടിക്കേണ്ട ചുമതലയുള്ളത് ആരോഗ്യ വിഭാഗത്തിലുള്ളവർക്കാണ്. ഇതേ തുടർന്ന് കഴിഞ്ഞ രണ്ട് ദിവസങ്ങളിലായി ഉദ്യോഗസ്ഥർ പിടികൂടിയവരുടെ വിവരങ്ങൾ പോലിസിന് കൈമാറിയിട്ടുണ്ട്. ശുചിമുറി മാലിന്യമടക്കം തള്ളാനെത്തിയ രണ്ട് ടാങ്കർ ലോറികളടക്കം 8 കേസുകളാണ് പോലീസിന് നഗരസഭ കൈമാറിയിരിക്കുന്നത്.കഴിഞ്ഞ ദിവസം മന്ത്രിമാർ തദ്ദേശ സ്ഥാപങ്ങളിലെ അധ്യക്ഷൻമാർ, മുൻസിപ്പൽ സെക്രട്ടറിമാർ തുടങ്ങിയവർ പങ്കെടുത്ത് നടത്തിയ അവലോകന യോഗത്തിലാണ് നഗരസഭ പിടികൂടുന്ന കേസുകൾ പോലീസിനു കൈമാറണമെന്ന നിർദ്ദേശം നൽകിയത്. അതേ സമയം ഈ നിർദ്ദേശം നഗരസഭയ്ക്ക് വലിയ വലിയ സാമ്പത്തിക നഷ്ടം ഉണ്ടാക്കും എന്ന വിലയിരുത്തലും ഉണ്ട് .