ജൂൺ 1ന് തന്നെ വിദ്യാലയങ്ങൾ തുറക്കും ; മന്ത്രി വി ശിവൻകുട്ടി
സംസ്ഥാനത്ത് ഈ മാസം തന്നെ എസ് എസ് എൽ സി, ഹയർ സെക്കണ്ടറി പരീക്ഷ ഫലങ്ങൾ പ്രഖ്യാപിച്ച് ജൂൺ 1ന് തന്നെ വിദ്യാലയങ്ങൾ തുറക്കുമെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു.മെയ് 27 ന് മുൻപ് സ്കൂൾ തുറക്കുന്നതുമായി ഉള്ള മുന്നൊരുക്കങ്ങൾ പൂർത്തിയാക്കണം എന്ന് നിർദേശം നൽകിയിട്ടുണ്ട്.പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം മലയൻകീഴ് ബോയ്സ് സ്കൂളിൽ നടക്കും. ചില അധ്യാപകർ കാരണമില്ലാതെ എസ്എസ്എൽസി പരീക്ഷപേപ്പർ മൂല്യനിർണയത്തിന് എത്തിയില്ലെന്ന് മന്ത്രി കുറ്റപ്പെടുത്തി. പരീക്ഷ പേപ്പർ മൂല്യനിർണയത്തിൽ എത്താതിരുന്ന 3006 അധ്യാപകർക്ക് നോട്ടീസ് നൽകിയതായി മന്ത്രി വ്യക്തമാക്കി.പൊതു വിദ്യാഭ്യാസ സ്ഥാപനങ്ങളിലെ അധ്യാപകർ പ്രൈവറ്റ് ട്യൂഷന് പോകാൻ പാടില്ല. ഇത്തരക്കാരെ കണ്ടെത്താൻ ഈ വർഷം മുതൽ സ്ക്വാഡിനെ സജീവമാക്കും. അതേസമയം,ഡോ.വന്ദനയുടെ കൊലപാതകത്തിൽ മനുഷ്യത്വരഹിതമായ ആക്രമണമാണ് സന്ദീപ് നടത്തിയതെന്നും ഇയാളെ പോലെ അധ്യാപകർ ഉണ്ടോയെന്ന് അന്വേഷിക്കുമെന്നും മന്ത്രി പറഞ്ഞു.ernakulamTimesXP MalayalamUpdated: 15 May 2023, 8:02 pm