Aluva Incident: ആലുവ പെൺകുട്ടിയുടെ കൊലപാതകം: ക്രൂരതയ്ക്ക് വധശിക്ഷ; പോക്സോ കേസിലെ ആദ്യ തൂക്കുകയർ
എറണാകുളം വീഡിയോസ് സബ്സ്ക്രൈബ് ചെയ്യൂ
എറണാകുളം ആലുവയിൽ അഞ്ചുവയസുകാരിയെ ബലാത്സംഗം ചെയ്ത് കൊലപ്പെടുത്തിയ കേസിൽ പ്രതിയായ അസ്ഫാക് ആലത്തിന് വധശിക്ഷയും ജീവപര്യന്തവും വിധിച്ച് കോടതി. പ്രതിക്കെതിരെ പോക്സോ വകുപ്പുകളിൽ ജീവിതാവസാനം വരെ കഠിന തടവും വിധിച്ചു. ബിഹാർ സ്വദേശി അസ്ഫാക് ആലം ആണ് കേസിലെ ഏക പ്രതി. പ്രതി ദയ അർഹിക്കുന്നില്ലെന്നും കോടതി വ്യക്തമാക്കി. എറണാകുളം പോക്സോ കോടതി ജഡ്ജി കെ സോമനാണ് കേസിൽ വിധി പ്രഖ്യാപിച്ചത്. വിധി കേൾക്കാൻ കുട്ടിയുടെ മാതാപിക്കളും കോടതിയിലെത്തിയിരുന്നു. കേസിൽ പ്രതി കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു. തെളിവ് നശിപ്പിച്ചതിന് അഞ്ച് വർഷം തടവ്, കുട്ടിക്ക് ലഹരിപദാർഥം നൽകിയതിന് മൂന്ന് വർഷം, പ്രായപൂർത്തിയാകാത്ത കുട്ടിയെ പീഡിപ്പിച്ചതിന് ജീവപര്യന്തം തടവ്, കൊലപാതകത്തിനും കൊച്ചുകുട്ടിയെ ബലാത്സംഗം ചെയ്തതിനും വധശിക്ഷ എന്നിങ്ങനെയാണ് അസ്ഫാക് ആലത്തിന്റെ ശിക്ഷ.