700 കിടക്കകളുള്ള ഐപി ബ്ലോക്കാണ് പുതുതായി നിർമ്മിക്കുന്നത്
എറണാകുളം ജനറൽ ആശുപത്രിയിൽ പുതിയതായി ഐപി ബ്ലോക്ക് കൂടെ വരുന്നു. ജില്ലയിലെ പൊതുജനാരോഗ്യരംഗം കൂടുതൽ ശക്തിപ്പെടുത്തുന്നതിന്റെ ഭാഗമായി 700 കിടക്കകളുള്ള ഐപി ബ്ലോക്കാണ് പുതുതായി ജനറൽ ആശുപത്രിയിൽ നിർമിക്കാനൊരുങ്ങുന്നത്. എറണാകുളം ജില്ലയിലെ സാധാരണക്കാരടക്കമുള്ളവരുടെ ആശ്രയകേന്ദ്രമാണ് ജനറൽ ആശുപത്രി. അതിനാൽ പലവിധ അസുഖങ്ങളുമായി നിരവധിപേരാണ് ദിനംപ്രതി ഇവിടെ ചികിത്സക്കായി എത്തുന്നത്. നിലവിലെ സാഹചര്യത്തിൽ ആശുപത്രിയിൽ 600 രോഗികളെമാത്രമേ കിടത്തിച്ചികിത്സ നൽകാൻ കഴിയുന്നുള്ളൂ. ഈ സാഹചര്യത്തിലാണ് ജില്ലയിലെ കൂടുതൽ രോഗികൾക്ക് മികച്ച ചികിത്സയും സേവനങ്ങളും ലഭ്യമാക്കാൻ ഇത്തരമൊരു സംവിധാനം കൊണ്ടുവാരാൻ തീരുമാനം . ഐസിയു ഉൾപ്പെടെയുള്ള സംവിധാനങ്ങളും പുതിയ ബ്ലോക്കിൽ സജ്ജീകരിക്കാൻ ഒരുങ്ങുന്നുണ്ട്. ഇതിനായി സർക്കാരിന്റേയും ഒപ്പം ആശുപത്രി വികസനസമിതി അനുവദിക്കുന്ന തുകയും സാമൂഹ്യപ്രതിബദ്ധതാ ഫണ്ടുകൾ എന്നിവ കൂടി പ്രയോജനപ്പെടുത്തിയാണ് പുതിയ ഐപി ബ്ലോക്ക് നിർമിക്കുക.ernakulamTimesXP MalayalamUpdated: 7 May 2023, 12:25 pm