Student Suicide Case: കായംകുളത്ത് വിദ്യാഥിനി ആത്മഹത്യ ചെയ്ത സംഭവത്തിൽ ബന്ധു അറസ്റ്റിൽ
1016 views
ആലപ്പുഴ വീഡിയോസ് സബ്സ്ക്രൈബ് ചെയ്യൂആലപ്പുഴ കായംകുളം എരുവ ക്ഷേത്ര കുളത്തിൽ വിദ്യാർഥിനിയെ മരിച്ച നിലയിൽ കണ്ട സംഭവത്തിൽ വിദ്യാഥിനിയുടെ ബന്ധുവായ പ്രതി ശ്യാം ശങ്കറിനെ പോലീസ് അറസ്റ്റുചെയ്തു. സംഭവവുമായി ബന്ധപ്പെട്ട് പ്രതിക്കെതിരെ കരീലകുളങ്ങര പോലീസ് പോക്സോ വകുപ്പുകൾ പ്രകാരമുള്ള കുറ്റം ചുമത്തി മറ്റൊരു കേസ് രജിസ്റ്റർ ചെയ്തതിന് പിന്നാലെയായിരുന്നു അറസ്റ്റ്. തൻ്റെ മകളുടെ മരണത്തിന് കാരണക്കാരനായ പ്രതി ഉന്നത രാഷ്ട്രീയ ബന്ധം കാരണം കേസിൽ അറസ്റ്റിലാകാതെ രക്ഷപ്പെടുകയായിരുന്നെന്ന് ആരോപിച്ച് വിദ്യാർഥിനിയുടെ പിതാവ് കോടതിയെ സമീപിച്ചിരുന്നു. അഡ്വ പ്രതാപ് ജി പടിക്കൽ മുഖേനയാണ് കോടതിയെ സമീപിച്ചത്. കേസ് അന്വേഷണത്തിൽ ഡിവൈഎസ്പി തലത്തിലുള്ള ഉദ്യോഗസ്ഥൻ്റെ മേൽനോട്ടമുണ്ടാവണമെന്ന് വിദ്ധ്യാർഥിയുടെ പിതാവ് ആവശ്യപ്പെട്ടിരുന്നു.തുടർന്ന് കായംകുളം ഡിവൈഎസ്പിയുടെ നേതൃത്വത്തിൽ ആരംഭിച്ച അന്വേഷണത്തിൻ്റെ ഭാഗമായാണ് പ്രതിയെ അറസ്റ്റ് ചെയ്തത്. മരണവുമായി ബന്ധപ്പെട്ട് പ്രതിക്കെതിരെ മറ്റൊരു കേസ് കൂടി രജിസ്റ്റർ ചെയ്യാനുള്ള സാധ്യത പോലീസ് പരിശോധിക്കുന്നുണ്ട്. നിലവിൽ പോലീസ് അന്വേഷണത്തിൽ തൃപ്തിയുണ്ടെന്ന് വിദ്യാർഥിനിയുടെ പിതാവ് പറഞ്ഞു. അഡ്വ പ്രതാപ് ജി പടിക്കലിനോടൊപ്പം മറ്റ് അഭിഭാഷകരായ ശ്രീദേവി പ്രതാപ്, ശില്പ ശിവൻ, ഹരീഷ് കാട്ടൂർ എന്നിവരാണ് വിദ്യാർഥിനിയുടെ പിതാവിന് വേണ്ടി ഹാജരാകുന്നത്.