Kayamkulam Over Bridge Strengthening: 'കായംകുളം - പുനലൂർ ഗതാഗതക്കുരുക്ക് വർധിക്കും'
ആലപ്പുഴ വീഡിയോസ് സബ്സ്ക്രൈബ് ചെയ്യൂ
കായംകുളം റെയിൽവേ ജങ്ഷനിലൂടെയുള്ള അതിവേഗ ട്രെയിനുകളുടെ വേഗത കൂട്ടാൻ കായംകുളം - പുനലൂർ റെയിൽവേ ഫ്ലൈ ഓവർ ബ്രിഡ്ജിൻ്റെ വശങ്ങൾ ബലപ്പെടുത്താനുള്ള പ്രവർത്തനങ്ങൾ പുരോഗമിക്കുന്നു. സ്റ്റേഷനോട് ചേർന്ന് തെക്കുഭാഗത്തായിട്ടുള്ള മേൽപാലത്തിന്റെ തൂണുകൾ ബലപ്പെടുത്താനുള്ള പ്രവർത്തനങ്ങളാണ് നടക്കുന്നത്. ഫ്ലൈ ഓവർ ബ്രിഡ്ജിൻ്റെ തൂണുകളോട് ചേർന്ന റോഡിൻ്റെ ഭാഗം കുഴിച്ച്, അടിത്തട്ടും ഇരുഭാഗത്തുമുള്ള തൂണുകളും ബലപ്പെടുത്തുന്ന നിർമാണപ്രവൃത്തിയാണ് ഇവിടെ നടക്കുന്നത്. എന്നാൽ തൂണുകൾ ബലപ്പെടുത്താനായി കോൺക്രീറ്റ് ചെയ്യുന്ന സമയത്ത് ഏകദേശം 2 മീറ്ററോളം റോഡിൻ്റെ വീതി ഇവിടെ കുറഞ്ഞേക്കുമെന്ന ആശങ്ക നിലനിൽക്കുകയാണ്. 2 വലിയ വാഹനങ്ങൾക്ക് കടന്നുപോകാനും ഇരുചക്രവാഹനങ്ങൾ കഷ്ടിച്ച് പോകാനുമുള്ള സൗകര്യമാണ് ഇവിടെയുള്ളത്.