കുട്ടനാട്ടിൽ സിപിഎമ്മിൻ്റെ രാഷ്ടീയ വിശദീകരണ ജാഥ
1021 views
ആലപ്പുഴ വീഡിയോസ് സബ്സ്ക്രൈബ് ചെയ്യൂആലപ്പുഴയിൽ സിപിഎമ്മിൽ നിന്നും ആളുകൾ കൂട്ടത്തോടെ കൊഴിഞ്ഞുപോകുന്നത് പിടിച്ചുനിർത്താൻ പാർട്ടി രാഷ്ടീയ വിശദീകരണ ജാഥ സംഘടിപ്പിച്ചു. കുട്ടനാട്ടിലാണ് പരിപാടി സംഘടിപ്പിച്ചത്. കുട്ടനാട് ഏരിയാ കമ്മിറ്റിക്ക് കീഴിലുള്ള ആറു പഞ്ചായത്തുകളിലാണ് വിശദീകരണ ജാഥകൾ സംഘടിപ്പിച്ചത്. ജില്ലാ സെക്രട്ടറിയേറ്റംഗങ്ങളും ജില്ലാ കമ്മിറ്റി അംഗങ്ങളും പങ്കെടുത്ത ജാഥയിൽ സിപിഐക്കെതിരെ രൂക്ഷ വിമർശനവും ഉയർന്നു. പാർട്ടി വിട്ടത് കഴുതകളെപോലെ ചിന്തിക്കുന്ന ചിലരാണെന്നും അവർ ഈർക്കിലി പാർട്ടിയിലേയ്ക്കാണ് പോയതെന്നും സിപിഎം ജില്ലാ സെക്രട്ടറിയേറ്റംഗം കെ പ്രസാദ് പരിഹസിച്ചു. സിപിഎം ജില്ലാ സെക്രട്ടിയെ അധിക്ഷേപിച്ചാൽ സിപിഐയുടെ അഖിലേന്ത്യാ സെക്രട്ടറിയെ തങ്ങൾ അധിക്ഷേപിക്കുമെന്നും നേതാക്കൾ വെല്ലുവിളിച്ചു. അതിനിടെ രാമങ്കരി ടൈറ്റാനിക് പാലത്തിൽ സിപിഎം സ്ഥാപിച്ച കൊടികൾ വ്യാപകമായി നശിപ്പിക്കപ്പെട്ടു.