Government Home Programs: ശശികലയ്ക്കും മക്കൾക്കും വീടൊരുക്കി കുറ്റിത്തെരുവ് സൗഹൃദ കൂട്ടായ്മ
ആലപ്പുഴ വീഡിയോസ് സബ്സ്ക്രൈബ് ചെയ്യൂ
കൂലിപ്പണിക്കാരിയായ ശശികലക്കും മൂന്നു മക്കൾക്കും വീട് എന്ന സ്വപ്നം വിദൂരമായിരുന്നു. സർക്കാർ ഭവന പദ്ധതി പ്രകാരം വീടുവയ്ക്കുന്നതിന് പണം അനുവദിച്ചെങ്കിലും നിർമ്മാണം പൂർത്തിയാക്കാൻ സാധിച്ചിരുന്നില്ല. 12 വർഷമായി അടച്ചുറപ്പില്ലാത്ത വീട്ടിൽ കഴിഞ്ഞു വന്നിരുന്ന കുടുംബത്തിന് വീടൊരുക്കി നൽകിയിരിക്കുകയാണ് കുറ്റിത്തെരുവ് സൗഹൃദ കൂട്ടായ്മ. ഭർത്താവ് മരണപ്പെട്ട് മൂന്ന് മക്കളുമായി ദുരിത ജീവിതത്തിലായ കൃഷ്ണപുരം പഞ്ചായത്ത് മൂന്നാം വാർഡിൽ രേവതി ഭവനത്തിൽ ശശികല കൂലിവേല ചെയ്താണ് കുടുംബം പുലർത്തുന്നത്. ബിജുതറയിൽ, അൻവർ അളിയൻസ്, ഇക്ബാൽ തണ്ടാണിമൂട്ടിൽ, നിസാം അളിയൻസ്, അൻഷാ കോമ്പസ്, എന്നിവരുടെ നേതൃത്വത്തിലാണ് കൂട്ടായ്മ പ്രവർത്തിക്കുന്നത്. വീടിൻറെ താക്കോൽദാനകർമ്മം ചലച്ചിത്രതാരം രശ്മി അനിൽ നിർവഹിച്ചു. പഞ്ചായത്ത് അംഗം ബീന പ്രസാദ്, ഗാന്ധിഭവൻ ഓർഗനൈസിങ് സെക്രട്ടറി മുഹമ്മദ് ഷെമീർ, ,അസീസ് നദീറ മൻസിൽ, നിസാം, അൻവർ, എന്നിവർ പങ്കടുത്തു.