ട്രെൻഡിങ്

Karuvatta Changadam Accident: 'ചങ്ങാടം മറിഞ്ഞത് യാദൃശ്ചികം'; കന്നിയാത്രയിലെ അപകടത്തെക്കുറിച്ച് പഞ്ചായത്ത് പ്രസിഡൻ്റ്

Name: Karuvatta Changadam Accident: 'ചങ്ങാടം മറിഞ്ഞത് യാദൃശ്ചികം'; കന്നിയാത്രയിലെ അപകടത്തെക്കുറിച്ച് പഞ്ചായത്ത് പ്രസിഡൻ്റ്
Uploaded: 2023-11-30T20:26:53+05:30
Duration: 2 min 7 s
Channel: ദീപു ദിവാകരൻ

ആലപ്പുഴ വീഡിയോസ് സബ്സ്ക്രൈബ് ചെയ്യൂ

ലൈക്ക്
കമന്റ്‌ ചെയ്യുക
ഷെയർ

ആലപ്പുഴ കരുവാറ്റയില്‍ ഉദ്ഘാടന യാത്രയിൽ ചങ്ങാടം മറിഞ്ഞ സംഭവത്തിൽ പ്രതികരണവുമായി പഞ്ചായത്ത് പ്രസിഡൻറ് സുരേഷ് രംഗത്ത്. യാദൃശ്ചികമായി ഉണ്ടായ അപകടമാണത്. കരുവാറ്റ ഗ്രാമപഞ്ചായത്ത് 13 14 വാർഡുകളെ ബന്ധിപ്പിക്കുന്ന ചെമ്പുതോടിന് കുറുകെ നാട്ടുകാർ പിരിവിട്ട് ഉണ്ടാക്കിയ സാധാരണ ചങ്ങാടമാണ് അപകടത്തിൽപ്പെട്ടത്. ഇന്നലെയാണ് സംഭവം. അപകടത്തിൽ കരുവാറ്റ പഞ്ചായത്ത് പ്രസിഡന്‍റും വൈസ് പ്രസിഡന്‍റും നാട്ടുകാരും വെള്ളത്തിൽ വീണു. ആർക്കും പരിക്കേൽക്കാതെ രക്ഷപ്പെട്ടു. നാല് വീപ്പകള്‍ ചേര്‍ത്തുവെച്ച് അതിനു മുകളില്‍ പ്ലാറ്റ്ഫോം കെട്ടിയാണ് ചങ്ങാടം നിര്‍മിച്ചത്. പഞ്ചായത്ത് പ്രസിഡന്‍റിന്‍റെ വാര്‍ഡിലാണ് ഒരു കര. മറുകര പഞ്ചായത്ത് വൈസ് പ്രസിഡന്‍റിന്‍റെ വാര്‍ഡിലുമാണ്. ആദ്യം പഞ്ചായത്ത് പ്രസിഡന്‍റ് ഉദ്ഘാടനം ചെയ്ത ചങ്ങാടം മറുകരയിലേക്ക് പോയി. മറുകരയില്‍ എത്തി തിരികെ വരുമ്പോള്‍ കുറച്ച് നാട്ടുകാരും ചങ്ങാടത്തില്‍ കയറി. കൂടുതല്‍ പേര്‍ കയറിയതോടെ ചങ്ങാടം കീഴ്മേല്‍ മറിയുകയായിരുന്നു. ഇതേതുടർന്നാണ് പ്രസിഡണ്ട് സുരേഷ് വിശദീകരണവുമായി എത്തിയത്. 25 മീറ്റർ മാത്രം ഉള്ള തോടിന് കുറുകെ മറികടക്കാൻ നാട്ടുകാർ തന്നെ മുൻകൈയെടുത്ത് നിർമ്മിച്ച ചങ്ങാടമാണ് അപകടത്തിൽപ്പെട്ടത്. ഉദ്ഘാടനം കഴിഞ്ഞ് ഒരു കരയിൽ നിന്നും മറുകരയിൽ എത്തിയപ്പോൾ ഇവിടെ കല്ലിൽ ഉറച്ചിരിക്കുകയായിരുന്നു ചങ്ങാടം. തുടർന്ന് തിരികെ വരുന്നതിനായി ശ്രമിക്കുമ്പോൾ ആണ് അപകടം ഉണ്ടായത്. ഇത് ജനങ്ങൾക്ക് ഏറെ ആശങ്ക ഉണ്ടാക്കിയ വാർത്തയായാണ് പുറത്തുവന്നതെന്നും പഞ്ചായത്ത് പ്രസിഡണ്ട് സുരേഷ് പറഞ്ഞു.

alappuzhaAuthored byദീപു ദിവാകരൻTimesXP MalayalamUpdated: 30 Nov 2023, 8:26 pm