കിണറ്റിൽ അകപ്പെട്ട് കരടി; രക്ഷാദൗത്യം തുടരുന്നു
1006 views
കേരളം വീഡിയോസ് സബ്സ്ക്രൈബ് ചെയ്യൂവെള്ളനാട് കണ്ണംപള്ളിയിൽ കരടി കിണറ്റിൽ വീണു. കണ്ണംപള്ളി സ്വദേശി അരുണിൻ്റെ വീട്ടിലെ കിണറ്റിലാണ് കരടിയെ കണ്ടെത്തിയത്. കരടിയെ പുറത്തെടുക്കാനുള്ള ആദ്യ ശ്രമം വിഫലമായി. വെള്ളത്തിൽവെച്ച് തന്നെ കരടിയെ മയക്കുവെടി വെച്ച് പുറത്തെടുക്കാൻ ശ്രമിച്ചെങ്കിലും കരടിയെ പുറത്തെടുക്കാൻ സാധിച്ചില്ല. മയക്കുവെടിയേറ്റ് കരടി വെള്ളത്തിൽ മുങ്ങിക്കിടക്കുന്ന അവസ്ഥയാണ് നിലവിൽ ഉള്ളത്. രാത്രി 12 മണിയോടെ അടുത്ത വീട്ടിലെ വിജയൻ്റെ രണ്ടു കോഴികളെ പിടികൂടി കഴിച്ച ശേഷം അടുത്ത കോഴിയെ പിടിക്കാൻ ശ്രമിക്കവെയാണ് കരടി കിണറ്റിൽ വീണത്. കോഴി കിണറ്റിന് മുകളിൽ പറന്ന് കയറിയതോടെ ഇതിനെ പിടിക്കുന്നതിനിടെ കരടി കിണറ്റിൽ അകപ്പെടുകയായിരുന്നു. വനം വകുപ്പ് ഉദ്യോഗസ്ഥർ, അഗ്നിരക്ഷാ സേന എന്നിവർ സ്ഥലത്തുണ്ട്. മയക്കുവെടി വെച്ച ശേഷമേ കരടിയെ പുറത്തെത്തിക്കൻ കഴിയുകയുള്ളൂ. ഇതിനുള്ള തയാറെടുപ്പിലാണ് അധികൃതർ.