കുട്ടികളിലെ തലകറക്കം മാതാപിതാക്കള്‍ ശ്രദ്ധിക്കാതെ പോകരുത്
കുട്ടികളില്‍ രണ്ട് തരത്തിലുള്ള തലകറക്കമാണ് പ്രധാനമായും കണ്ട് വരുന്നത്. അവയാണ് വെര്‍ട്ടിഗോ അല്ലെങ്കില്‍ സിന്‍കോപ്. വെര്‍ട്ടിഗോ എന്ന് പറയുന്നത് ഒരു കുട്ടി സ്വയം കറങ്ങുന്നതായോ അല്ലെങ്കില്‍ ചുറ്റുപാടുമുള്ള വസ്തുക്കള്‍ കറങ്ങുന്നതുമായോ അല്ലെങ്കില്‍ ചുറ്റുമുള്ള വസ്തുക്കള്‍ തകിടം മറിയുന്നതായോ, കുട്ടിയ്ക്ക് പിന്നിലോട്ട് വലിയുന്നത് പോലെ തോന്നുകയോ ചെയ്യുന്ന അവസ്ഥയാണ് വെര്‍ട്ടിഗോ. ഇത് മുതിര്‍ന്ന കുട്ടികളില്‍ മാത്രമല്ല, ചെറിയ കുട്ടികളില്‍ പോലും ഈ അവസ്ഥ ഉണ്ടായെന്ന് വരാം.വെര്‍ട്ടിഗോ എന്ന അവസ്ഥ കുട്ടികളില്‍ വരുമ്പോള്‍ അവര്‍ മാതാപിതാക്കളുടെ അടുത്തേയ്ക്ക് ഓടിപ്പോയി കെട്ടിപിടിക്കുകയോ അല്ലെങ്കില്‍ കണ്ണുകള്‍ അടച്ച്പിടിച്ച് ഇരിക്കുകയോ ചെയ്യും. ചിലര്‍പ്പോള്‍ കുട്ടികള്‍ക്ക് കിടക്കണം എന്ന് തോന്നുകയും ചെയ്യാം. ഇതാണ് വെര്‍ട്ടിഗോ വരുമ്പോള്‍ കുട്ടികള്‍ പ്രകടിപ്പിക്കുന്ന പ്രധാന ലക്ഷണങ്ങള്‍. ഇത് ഒരിക്കല്‍ മാത്രമല്ല, ഇടയ്ക്കിടയ്ക്ക് കുട്ടികളില്‍ കണ്ടെന്ന് വരാം. അതുപോലെ ചെറിയ കുട്ടികളില്‍ കണ്ട് വരുന്ന തലകറക്കം മൈഗ്രേയ്‌ന്റെ ഒരു വകഭേദമായിട്ടാണ് കണക്കാക്കുന്നത്. ഇത്തരം അവസ്ഥ പിന്നീട് വളരും തോറും കുട്ടികളില്‍ തലവേദനയായി രൂപാന്തരപ്പെട്ടെന്നും വരാം.ഇവ കൂടാതെ, കുട്ടികളില്‍ എന്തെങ്കിലും അണുബാധ ഉണ്ടാകുമ്പോള്‍ വെര്‍ട്ടിഗോ വന്ന് കാണാറുണ്ട്. പ്രത്യേകിച്ച് പനി, അല്ലെങ്കില്‍ ചെവിയുടെ ബാലന്‍സ് നിയന്ത്രിക്കുന്ന ഓര്‍ഗന്‍സിനെ എന്തെങ്കിലും അണുബാധകള്‍ ബാധിച്ചാല്‍ അതെല്ലാം വെര്‍ട്ടിഗോ വരുന്നതിലേയ്ക്ക് നയിക്കുന്നുണ്ട്. കുട്ടികളില്‍ ഇത് വരുന്നതിന് കാരണവും, അതിന്റെ പരിഹാരവും, ശ്രദ്ധിക്കേണ്ട കാര്യങ്ങള്‍ എന്തെല്ലാം എന്നും വിശദീകരിക്കുകയാണ് ഡോക്ടര്‍ ഈ വീഡിയോയിലൂടെ.
Curated by Suraj S|TimesXP Malayalam|16 Aug 2023