ഹീമോഗ്ലോബിൻ കൂട്ടാൻ ഈ ഭക്ഷണങ്ങൾ കഴിക്കണം
മനുഷ്യ ശരീരത്തിൽ ഏറ്റവും പ്രധാനമായി ആവശ്യമുള്ളതാണ് ഹീമോഗ്ലോബിൻ. രക്തത്തിലെ ഹീമോഗ്ലോബിൻ്റെ അളവ് കുറയുമ്പോഴാണ് വിളർച്ച, ക്ഷീണം പോലുള്ള പ്രശ്നങ്ങൾ ഉണ്ടാകുന്നത്. രോഗപ്രതിരോധ ശേഷി കുറഞ്ഞ് പോകുന്നതും ഹീമോഗ്ലോബിൻ്റെ അഭാവം മൂലമാണ്. ചുവന്ന രക്താണുക്കളിൽ കണ്ടുവരുന്ന ഇരുമ്പ് നിറഞ്ഞ പ്രോട്ടീനിനെയാണ് ഹീമോഗ്ലോബിൻ എന്ന് പറയുന്നത്. ഇരുമ്പിൻ്റെ അഭാവം ഹീമോഗ്ലോബിൻ കുറയാനും കാരണമാകാറുണ്ട്. തലച്ചോറിൻ്റെ പ്രവർത്തനത്തെ ബാധിക്കാനും ഹീമോഗ്ലോബിൻ്റെ അഭാവം കാരണമാകും.അയേണിന്റെ കുറവ് അനീമിയ പോലെയുള്ള പ്രശ്നങ്ങളിലേക്ക് നയിച്ചേക്കാം. കൂടാതെ, രക്ത സംബന്ധമായ അസുഖങ്ങൾ ഉണ്ടാകുന്നതിനും ഇതൊരു പ്രധാന കാരണമാണ്. അമിതമായിട്ടുള്ള ക്ഷീണം, തളർച്ച, മഞ്ഞ നിറത്തിലുള്ള ചർമ്മം, ശ്വാസക്കുറവ്, തലചുറ്റൽ, നെഞ്ച് വേദന, തല വേദന എന്നിവയെല്ലാം ഹീമോഗ്ലോബിൻ്റെ കുറവ് മൂലമുണ്ടാകുന്നതാണ്.ഹീമോഗ്ലോബിൻ്റെ കുറവുണ്ടാകുന്ന സമയത്ത്, ശരീരത്തിലെ എല്ലാ അവയവങ്ങളിലേക്കും കൃത്യമായ തോതിൽ ഓക്സിജൻ എത്തിക്കാൻ ചുവന്ന രക്താണുകൾക്ക് കഴിയാതെ വരാം. പൊതുവെ സ്ത്രീകളിൽ ഹീമോഗ്ലോബിൻ്റെ കുറവ് ഉണ്ടാകാറുണ്ട്. അതുപോലെ ഗർഭിണികളിലും ഇത് കണ്ടുവരാറുണ്ട്. ദൈനംദിനത്തിൽ ചില ഭക്ഷണങ്ങൾ ഉൾപ്പെടുത്തുന്നത് ശരീരത്തിലെ ഹീമോഗ്ലോബിൻ്റെ അളവ് കൂട്ടാൻ ഏറെ സഹായിക്കും. വൈറ്റമിൻ സി ധാരാളം അടങ്ങിയ ഭക്ഷണങ്ങളാണ് ഇതിൽ പ്രധാനം. ഇത് പോലെ മറ്റ് എന്താെക്കെ ഭക്ഷണങ്ങൾ കഴിച്ചാൽ ഹീമോഗ്ലോബിൻ്റെ അളവ് കൂട്ടാമെന്നും ഈ വീഡിയോയിലൂടെ കാണാം.
Curated by Suraj S|TimesXP Malayalam|14 Aug 2023