Vijayakanth gold covering Shop: സ്വർണ്ണക്കടയിൽ നിന്നും തമിഴ് സിനിമയുടെ ക്യാപ്റ്റനായ വിജയകാന്ത്
1027 views
എന്റര്ടെയിൻമെന്റ് വീഡിയോസ് സബ്സ്ക്രൈബ് ചെയ്യൂതമിഴ് സിനിമയുടെ പുരട്ച്ചി കലൈഞ്ജർ ക്യാപ്റ്റൻ വിജയകാന്തിന്റെ മരണവാർത്ത തമിഴകത്തെ കണ്ണീരിനാൽ മൂടുകയാണ്. ആക്ഷൻ സിനിമകളിലൂടെ തമിഴ് സിനിമാ ആരാധകരുടെ ഹൃദയത്തിലേക്ക് ഒരു മാസ്സ് നായകനായി കടന്നു വന്ന വിജയകാന്ത് തിരുവനന്തപുരത്ത് ഒരു ഗോൾഡ് കവറിങ് കട നടത്തിയിരുന്നു എന്ന് എത്ര പേർക്കറിയാം. കേൾക്കുമ്പോൾ ഒരു കെട്ടുകഥ പോലെ തോന്നുമെങ്കിലും സിനിമയിലെത്തും മുന്നേ വിജയകാന്ത് ഗോൾഡ് കവറിങ് കട നടത്തിയിരുന്നു എന്നത് വസ്തുതയാണ്. 1970 കളിലാണ് വിജയകാന്ത് ആഭരണ ബിസിനെസ്സുമായി രംഗത്ത് വന്നത്. തിരുവനന്തപുരത്തെ ഏറെ പ്രശസ്തമായ പഴവങ്ങാടിയിലാണ് ജ്യോതി ജൂവലറി എന്ന പേരിൽ വിജയകാന്ത് കട ആരംഭിക്കുന്നത്. സമീപത്തുള്ള ചാല മാർക്കറ്റിൽ ഈ ആഭരണക്കടയുടെ ഗോഡൗൺ പ്രവർത്തിച്ചിരുന്നു. സിനിമയിൽ ഗോഡ്ഫാദർമാരോ, അന്നത്തെ നായകസങ്കല്പങ്ങൾക്ക് ആവശ്യമെന്ന് കരുതിയിരുന്ന നിറമോ, രൂപമോ ഒന്നും ഇല്ലാതിരുന്ന വിജയകാന്ത് തന്റെ കഴിവുകൊണ്ടാണ് സിനിമയിലെത്തുന്നത്. സ്വർണ്ണവ്യാപാരത്തിന്റെ അധികമാർക്കും അറിയാത്ത കഥ നടൻ തന്നെ സൂചിപ്പിച്ചിട്ടുമുണ്ട്. തിരുവനന്തപുരത്ത് ഷൂട്ടിങ്ങിനായി പിന്നീട് എത്തിയപ്പോഴാണ് തന്റെ ഭൂതകാലത്തെകുറിച്ചുള്ള ഓർമ്മകൾ വിജയകാന്ത് പങ്കുവെച്ചത്. നടനായി മാറിയപ്പോഴും തന്റെ ജീവിതത്തിൽ വലിയ മാറ്റങ്ങൾക്കൊന്നും വിജയകാന്ത് ശ്രമിച്ചില്ല