സുരക്ഷ വർദ്ധിപ്പിക്കും | Salman Khan | Rocky Bhai |
1102 views
എന്റര്ടെയിൻമെന്റ് വീഡിയോസ് സബ്സ്ക്രൈബ് ചെയ്യൂനടൻ സൽമാൻ ഖാനെതിരെ വീണ്ടും വധ ഭീഷണി. 'റോക്കി ഭായ്' എന്ന വിളിപ്പേരുള്ള ഒരാളുടെ ഭാഗത്തു നിന്നാണ് ഇപ്പോൾ ഭീഷണി എത്തിയിട്ടുള്ളത്. അടുത്ത കാലത്തായി സൽമാൻ ഖാനും കുടുംബത്തിനും എതിരെ ഭീഷണി വരുന്നത് പതിവായിരിക്കുകയാണ്. തീയതി അടക്കം വ്യക്തമാക്കിയാണ് കൊലപ്പെടുത്തുമെന്ന ഭീഷണി സൽമാൻ ഖാന് എതിരെ ഇപ്പോൾ വന്നിട്ടുള്ളത്. പുതിയ റിപ്പോർട്ടുകൾ അനുസരിച്ച് രാജസ്ഥാൻ സ്വദേശിയാണ് ഇയാൾ. ജോധ്പൂരിലാണ് ഇയാൾ താമസമെന്നും ഗോരക്ഷകനുമാണെന്നും സൂചനയുണ്ട്. ഏപ്രിൽ 30 ന് സൽമാനെ കൊല്ലുമെന്ന ഭീഷണിയാണ് വന്നിട്ടുള്ളത്. അടുത്തിടെ പോലീസ് കൺട്രോൾ റൂമിലേക്ക് വന്ന കോളിലാണ് ഈ ഭീഷണി സന്ദേശമുണ്ടായിരുന്നത്. ജോധ്പൂരിലെ റോക്കി ഭായ് എന്നാണ് ഈ കോൾ വിളിച്ച വ്യക്തി സ്വയം പറഞ്ഞത്. ഈ ഫോൺ സന്ദേശവുമായി ബന്ധപ്പെട്ട് അന്വേഷണം മികച്ച രീതിയിൽ പുരോഗമിക്കുകയാണ് എന്നും മുംബൈ പോലീസ് അറിയിച്ചിട്ടുണ്ട്. മുൻപ് അധോലോക സംഘങ്ങൾ സൽമാൻ ഖാനെതിരെ ഭീഷണിമുഴക്കിയിരുന്നു. പിന്നീട് സൽമാൻ ഖാൻ്റെയും കുടുംബത്തിന്റെയും സുരക്ഷ കൂട്ടിയിരുന്നു. അധോലോക നേതാവായിരുന്ന, നിലവിൽ ജയിലിൽ കഴിയുന്ന ലോറൻസ് ബിഷ്ണോയി സൽമാൻ ഖാനെതിരെ വധ ഭീഷണി ഉയർത്തിയിരുന്നു. ഒരു ന്യൂസ് ചാനലിന് നൽകിയ അഭിമുഖത്തിലാണ് ലോറൻസ് ബിഷ്ണോയി സൽമാൻ ഖാനെതിരെ വധ ഭീഷണി മുഴക്കിയിരുന്നത്. പഞ്ചാബ് ജയിലിൽ തടവിൽ കഴിയുകയാണ് ഇപ്പോൾ ലോറൻസ് ബിഷ്ണോയി. ഇതേ തുടർന്ന് സൽമാൻ ഖാൻ്റെയും കുടുംബത്തിന്റെയും സുരക്ഷ വർധിപ്പിക്കാൻ തീരുമാനിച്ചിരുന്നു. ഇതിനായി ഒരു വൈറ്റ് ബുള്ളറ്റ് പ്രൂഫ് നിസാൻ എസ്യുവിയാണ് വാങ്ങിയത്. സൽമാൻ്റെ സുരക്ഷ കൂട്ടി എന്നും ആയുധ ലൈസൻസ് കിട്ടി എന്നുമുള്ള വാർത്തകളും വന്നിരുന്നു.