ആവേശത്തിൽ ആരാധകർ | Rajinikanth | Vikram |
1085 views
സിനിമ വീഡിയോസ് സബ്സ്ക്രൈബ് ചെയ്യൂരജനീകാന്തിന്റെ 170ആം ചിത്രമായി എത്തുന്നത് ടി ജെ ജ്ഞാനവേൽ സംവിധാനം ചെയ്യുന്ന സിനിമയാണ്. ജയ് ഭിം എന്ന സൂര്യ നായകനായി എത്തിയ ചിത്രത്തിന്റെ സംവിധായകനാണ് ടി ജെ ജ്ഞാനവേൽ. താൽക്കാലികമായി ചിത്രത്തിന് തലൈവർ 170 എന്നാണ് പേരിട്ടിട്ടുള്ളത്. ഈ ചിത്രത്തിൽ വില്ലനായി നടൻ ചിയാൻ വിക്രം തന്നെ എത്തണമെന്ന് ആഗ്രഹത്തിലാണ് സംവിധായകൻ ടി ജെ ജ്ഞാനവേൽ. ചിത്രത്തിന്റെ കഥ രജനീകാന്തിന് ഇഷ്ടപെട്ടിട്ടുണ്ട് എന്ന വിവരങ്ങളാണ് പുറത്തുവരുന്നത്. നിലവിൽ ജയിലർ എന്ന ചിത്രത്തിന്റെ ഷൂട്ടിംഗ് തിരക്കുകളിലാണ് രജനി. നെൽസൺ ദിലീപ് കുമാർ സംവിധാനം ചെയ്യുന്ന ചിത്രമാണിത്. ഇതിനുശേഷമായിരിക്കും ഈ ചിത്രത്തിലേക്ക് ജോയിൻ ചെയ്യുക. ചിത്രത്തിന്റെ ഔദ്യോഗിക പ്രഖ്യാപനം ഉടൻ തന്നെ ഉണ്ടാകും. ചിത്രത്തിൽ നെഗറ്റീവ് റൂൾ ചെയ്യുന്നതിനായി വിക്രത്തെ സമീപിച്ചെങ്കിലും നിലവിൽ അദ്ദേഹം ഈ കഥാപാത്രത്തെ നിരസിച്ചിരിക്കുകയാണ് എന്നാണ് വാർത്തകൾ വരുന്നത്. എന്തുകൊണ്ടാണ് ഈ ചിത്രം അദ്ദേഹം നിരസിച്ചത് എന്ന കാര്യം വ്യക്തമല്ല. പക്ഷേ മറ്റൊരാളെയും ഈ വേഷത്തിനു വേണ്ടി കണ്ടെത്താൻ കഴിയില്ല എന്ന വിശ്വാസത്തിലാണ് സംവിധായകൻ. കൂടുതൽ ചർച്ചകൾ നടത്താനായി നിർമ്മാതാക്കളും ശ്രമിക്കുന്നുണ്ട്. ഈ വർഷം തന്നെ ചിത്രത്തിന്റെ ഷൂട്ടിംഗ് ആരംഭിച്ചേക്കും. അതിനു മുൻപേ വിക്രത്തെ പറഞ്ഞു കൺവിൻസ് ചെയ്യാനുള്ള ശ്രമത്തിലാണ് അണിയറ പ്രവർത്തകർ എന്നാണ് കോളിവുഡിലെ സംസാരം.