നിഗൂഢത നിറച്ച് 'സീക്രട്ട് ഹോം' ടീസർഡ്രാമ ത്രില്ലർ 'സീക്രട്ട് ഹോം' സിനിമയുടെ ടീസർ പുറത്ത്. അഭയകുമാർ കെ ആണ് ചിത്രം സംവിധാനം ചെയ്യുന്നത്. വിചാരണ തുടങ്ങാൻ പോകുന്ന കേസും അതുമായി ബന്ധപ്പെട്ട് നടക്കുന്ന സംഭവ വികാസങ്ങളുമാണ് ചിത്രത്തിന്റെ പ്രമേയം എന്നാണ് ടീസറിൽ നിന്നും വ്യക്തമാകുന്നത്. കേരളത്തിൽ നടന്ന ഒരു യഥാർഥ സംഭവത്തെ ആസ്പദമാക്കിയാണ് ചിത്രം ഒരുക്കുന്നത്. സന്തോഷ് ത്രിവിക്രമനാണ് സിനിമ നിർമ്മിക്കുന്നത്. ചിത്രം ഉടൻ തിയേറ്ററുകളിൽ എത്തും.