The Sound of Music: മനോഹരമായ സംഗീതംപോലെ ആസ്വദിക്കേണ്ട സിനിമ
1848 views
സിനിമ വീഡിയോസ് സബ്സ്ക്രൈബ് ചെയ്യൂസംഗീതം കേൾക്കാൻ ഇഷ്ടമില്ലാത്തവരുണ്ടാകില്ല. സംഗീതം മന:സംഘർഷം കുറയ്ക്കുകയും മനസിനെ ശാന്തമാക്കാൻ സഹായിക്കുകയും ചെയ്യുമെന്ന് എല്ലാവർക്കും അറിയാവുന്നതാണ്. കേവലം കർണപുടത്തിലെത്തി ആനന്ദത്തിന്റെ പരകോടിയിൽലെത്തിക്കുന്ന ഒന്നുമാത്രമല്ല സംഗീതം. അറിയും തോറും ആഴവും പരപ്പുമുള്ളതാണത്. സ്വരങ്ങൾക്ക് രാഗസ്വഭാവം നൽകി ഏറ്റക്കുറച്ചിലുകളോടെ ആലപിക്കുമ്പോൾ മനസ്സുകളെ അതെങ്ങനെയാണ് സ്വാധീനിക്കുന്നത്. ആരോ ഒരാൾ പാടുന്നതുകേട്ട് അതിൽ ലയിക്കാൻ വേണ്ടി മാത്രം എന്ത് മാജിക്കാണ് സംഗീതത്തിനുള്ളത്. ഒരു ഗാനം മനസ്സിനെ പിടിച്ചിരുത്തുന്നുവെങ്കിൽ അവിടെ സംഭവിക്കുന്നത് മനസും സംഗീതവും തമ്മിലുള്ള താദാത്മ്യം പ്രാപിക്കലാണ്. ആ അവസ്ഥ അറിയാതെയെങ്കിലും നമ്മുടെ ശരീരത്തേയും ശാരീരികാവസ്ഥയേയും സ്വാധീനിക്കുന്നുണ്ട്. സംഗീതവുമായി ബന്ധപ്പെട്ട് പല സിനിമകളും പുറത്തറങ്ങിയിട്ടുണ്ട്. സംഗീതത്തിന്റെ മാസ്മരിത കൊണ്ട് നമ്മെ വിസ്മയിപ്പിക്കുന്ന ഒരു സിനിമയുണ്ട്. ദി സൗണ്ട് ഓഫ് മ്യൂസിക്. 1965 ൽ പുറത്തിറങ്ങിയ ഈ 174 മിനുട്ട് സിനിമ 58 കൊല്ലങ്ങൾക്കു ശേഷം ഇപ്പോഴും സിനിമാസ്വാദകരെ അനുഭൂതിയുടെ കൊടുമുടിയിൽ എത്തിക്കും. സംഭാഷണം പോലും കവിതയാക്കിയ മറ്റൊരു സിനിമ ഇല്ലെന്ന് തന്നെ പറയാം. അതുമാത്രമല്ല സംഗീതത്തെയും രാഷ്ട്രീയത്തെയും ഇതുപോലെ സമന്വയിപ്പിച്ച മറ്റൊരു ചിത്രം സിനിമാ ചരിത്രത്തിൽതന്നെയില്ല. 5 ഓസ്കാറുകൾ അടക്കം 12 ഓളം അവാർഡുകൾ ഈ സിനിമക്ക് ലഭിച്ചിട്ടുണ്ട്. റിച്ചാർഡ് റോഡ്ജേഴ്സ് കമ്പോസ് ചെയ്ത ഇതേ പേരിലുള്ള സംഗീത ശില്പത്തെ റോബർട്ട് വൈസ് മനോഹരമായ ഒരു സിനിമയായി മാറ്റുകയായിരുന്നു. സിനിമയുടെ വാണിജ്യ ചരിത്രത്തിൽ തകർക്കാൻ കഴിയാത്ത റെക്കോർഡുകൾ സൃഷ്ടിച്ച ബോക്സ് ഓഫീസ് വിജയമാണ് ദ സൗണ്ട് ഓഫ് മ്യൂസിക് അക്കാലത്ത് നേടിയത്.