മാസും ക്ലാസും! പൃഥ്വിയുടെ പുറത്തിറങ്ങാതെ പോയ സിനിമകൾ
1024 views
cinema വീഡിയോസ് സബ്സ്ക്രൈബ് ചെയ്യൂമലയാള സിനിമയ്ക്ക് ഒരേയൊരു രാജകുമാരനേയുള്ളൂ, അത് നടൻ പൃഥ്വിരാജാണ്. ആരുടേയും മുന്നിൽ തല കുനിക്കാതെ തന്റെ നിലപാടുകൾ സധൈര്യം തുറന്നു പറയാൻ പൃഥ്വി ഒരു മടിയും കാണിക്കാറില്ല. അതുകൊണ്ട് തന്നെ പരിഹാസങ്ങളിലും ആക്ഷേപങ്ങളിലും വിമർശനങ്ങളിലുമെല്ലാം പലപ്പോഴും പൃഥ്വിയെന്ന പേര് ഉയർന്ന് കേട്ടു. എന്നാൽ ഈ പറഞ്ഞതിൽ നിന്നെല്ലാം അയാൾ ഉയർത്തെഴുന്നേറ്റത് സിനിമയോടുള്ള തന്റെ പാഷൻ ഒന്നു കൊണ്ട് മാത്രമായിരുന്നു. ഇരുപതാം വയസിൽ നായകനായി അരങ്ങേറ്റം കുറിച്ച പൃഥ്വിക്കു പിന്നീട് തിരിഞ്ഞു നോക്കേണ്ടി വന്നിട്ടില്ല. ഇന്നിപ്പോൾ മലയാള സിനിമ അയാൾക്കൊപ്പം സഞ്ചരിക്കുന്നു. 2006 ൽ ക്ലാസ്മേറ്റ്സിലൂടെ ഇൻഡസ്ട്രി ഹിറ്റ്. അതേ വർഷം പുറത്തിറങ്ങിയ വാസ്തവം എന്ന ചിത്രത്തിലൂടെ 24 -ാം വയസിൽ മികച്ച നടനുള്ള ആദ്യ സംസ്ഥാന പുരസ്കാരവും പൃഥ്വി തന്റെ പോക്കറ്റിലാക്കി. വിജയത്തിനും പരാജയത്തിനുമപ്പുറം ഒട്ടേറെ മികച്ച സിനിമകളുമായി മലയാള സിനിമ പ്രേക്ഷകർക്ക് മുന്നിലേക്ക് അദ്ദേഹമെത്തി. അഭിനയത്തിന് പുറേമ നിർമാണവും വിതരണവും അടക്കം സിനിമയുടെ ഇതര മേഖലകളിലേക്കും തൻ്റെ ലോകം വിശാലമാക്കി. അധികം വൈകാതെ ഗായകനുമായി, അതോടൊപ്പം ബ്ലോക്ക്ബസ്റ്റർ ചിത്രങ്ങളുടെ സംവിധായകനും. അടുത്ത കാലത്ത് കേരളത്തിൽ വലിയ വിജയം നേടിയ നിരവധി അന്യ ഭാഷാ ചിത്രങ്ങളുടെ വിതരണം പൃഥ്വിയുടെ നിയന്ത്രണത്തിലായിരുന്നു. തൻ്റെ ഇടം അഭിനയമാണ്, മറ്റെല്ലാം ആഗ്രഹം കൊണ്ട് ചെയ്യുന്നതാണെന്ന് പൃഥ്വി എപ്പോഴും പറഞ്ഞു കൊണ്ടേയിരുന്നു. ഒരു ബിസിനസുകാരനപ്പുറം കലയെ നെഞ്ചോടു ചേർക്കുന്ന ഒരു നല്ല കലാകാരനെ പൃഥ്വിയിൽ കാണാൻ കഴിയും. കൊമേഴ്സ്യൽ സക്സസ് എന്നതിനപ്പുറം തന്റെ ബ്രാൻഡിൽ നിന്നും വരുന്ന ചിത്രങ്ങൾക്ക് മികച്ച നിലവാരമുണ്ടായിരിക്കണം എന്നും അദ്ദേഹത്തിന് നിർബന്ധമുണ്ട്. നായകനെന്നതിനപ്പുറം വില്ലൻ കഥാപാത്രങ്ങളായി പകർന്നാടി തന്റെ മേൽവിലാസം അന്യഭാഷകളിലും പൃഥ്വി കുറിച്ചിട്ടു. കരിയറിൽ ഹിറ്റുകൾ സൃഷ്ടിക്കുമ്പോഴും ചില സിനിമകൾ പൃഥ്വിരാജ് വേണ്ടെന്ന് വയ്ക്കുകയോ ഒഴിവാക്കുകയോ ചെയ്തിട്ടുണ്ട്. അത്തരം ചില സിനിമകൾ പരിചയപ്പെടാം.