ചരിത്രത്തോടും ഈച്ചരവാര്യരോടും നീതിപുലര്ത്തുന്നുണ്ടോ പിറവി?
1038 views
സിനിമ വീഡിയോസ് സബ്സ്ക്രൈബ് ചെയ്യൂഇന്ത്യന് രാഷ്ട്രീയ ചരിത്രത്തിലെ കറുത്ത അദ്ധ്യായം അടിയന്തരാവസ്ഥയിലെ ഇരകളില് ഒരാളായിരുന്നു പ്രൊഫസര് ടി വി ഈച്ചര വാര്യരുടെ മകന് ടി വി രാജനും. കാഴിക്കോട് റീജിയണല് എഞ്ചിനിയറിംഗ് കോളേജില് നിന്ന് അവസാന വര്ഷ വിദ്യാര്ത്ഥിയായിരുന്ന രാജനെ പോലീസ് അറസ്റ്റ് ചെയ്തുകൊണ്ടുപോകുന്നത് പോലീസ് സ്റ്റേഷന് ആക്രമണം ആരോപിച്ചാണ്. തലങ്ങും വിലങ്ങും ക്രൂര പീഢനങ്ങള് ഏല്പ്പിച്ചുള്ള ചോദ്യം ചെയ്യലിനൊടുവില് രാജനെവിടെ എന്ന ചോദ്യം മാത്രമാണ് ബാക്കിയായത്. എണ്പതുകളുടെ അവസാനം പുറത്തിറങ്ങിയ ഷാജി എന് കരുണ് സംവിധാനം പിറവിയില് രാജനേയും കുടുംബത്തേയും അവതരിപ്പിക്കുന്നത് മറ്റൊരു ഭാവത്തിലാണ്. 1989-ല് പുറത്തിറങ്ങിയ ചിത്രം പ്രശംസയോളം തന്നെ വിമര്ശനങ്ങള്ക്കും വിധേയമാക്കപ്പെട്ടിട്ടുണ്ട്. പ്രേംജി, അര്ച്ചന, ലക്ഷ്മി കൃഷ്ണമൂര്ത്തി എന്നിവരാണ് ഈ ചിത്രത്തിലെ പ്രധാന വേഷങ്ങള് കൈകാര്യം ചെയ്തിരിക്കുന്നത്. ഒട്ടേറെ ഫിലിം ഫെസ്റ്റിവല് വേദികളില് പ്രദര്ശിപ്പിച്ച ചിത്രം ആ വര്ഷത്തെ ദേശീയ-സംസ്ഥാന പുരസ്ക്കാരങ്ങളും സ്വന്തമാക്കി. ഇവയ്ക്കു പുറമെ രാജ്യാന്തര ചലച്ചിത്ര വേദിയികളിലും മികച്ച അഭിപ്രായമാണ് നേടിയത്. പ്രത്യക്ഷത്തില് രാജനുമായി സാമ്യമുള്ള, രാഷ്ട്രീയ പരിസരങ്ങളിലേയ്ക്കൊക്കെ പ്രേക്ഷകരെ എത്തിനോക്കാന് പ്രേരിപ്പിക്കുന്ന ചിത്രം അതിന്റെ പ്രമേയം കൊണ്ട് അരാഷ്ട്രീയതയ്ക്ക് കൂട്ടുപിടിച്ചു എതാണ് എന്നതാണ് പിറവിയ്ക്കെതിരെ ഉയര്ന്ന ഏറ്റവും വലിയ വിമര്ശനം.