Devadoothan: കാലത്തിന് മുന്നേ ഇറങ്ങിയതെന്ന സങ്കടം വേണ്ട, ദേവദൂതൻ വീണ്ടും തിയേറ്ററുകളിലേക്ക്സിബി മലയിൽ സംവിധാനം ചെയ്ത് മോഹൻലാൽ നായകനായി അഭിനയിച്ച ദേവദുതൻ വീണ്ടും തിയേറ്ററുകളിലേക്ക്. ചിത്രത്തിന്റെ സംവിധായകനായ സിബി മലയിൽ തന്നെയാണ് ഇക്കാര്യം അറിയിച്ചിരിക്കുന്നത്. മാരിവില്ലിൻ ഗോപുരങ്ങള്‍ എന്ന വരാനിരിക്കുന്ന സിനിമയുടെ പ്രമോഷനിടെയാണ് അദ്ദേഹം റീ റിലീസിനെ കുറിച്ച് പറഞ്ഞത്. സിനിമ 4 K യിലായിരിക്കും റിലീസ് ചെയ്യുക. എന്നാൽ എപ്പോഴായിരിക്കും ഇത് സംഭവിക്കുകയെന്ന കാര്യം അദ്ദേഹം വ്യക്തമാക്കിയിട്ടില്ല. ആരാധകരെ പോലെ ചിത്രം വീണ്ടും കാണാൻ താനും കാത്തിരിക്കുകയാണെന്ന് സിബി മലയിൽ പറഞ്ഞത്. സിനിമയുടെ റീ റിലീസിന്റെ സന്തോഷം നിർമ്മാതാവ് സിയാദ് കോക്കറും പങ്കുവെച്ചു.