താഴ്വാരത്തെക്കുറിച്ച് മോഹൻലാൽ
1026 views
സിനിമ വീഡിയോസ് സബ്സ്ക്രൈബ് ചെയ്യൂമോഹൻലാലിന്റെ കരിയറിലെ ഏറെ പ്രധാനപ്പെട്ട സിനിമയായ താഴ്വാരത്തെക്കുറിച്ച് അദ്ദേഹം സംസാരിക്കുന്ന വാക്കുകളാണ് ഇപ്പോൾ ശ്രദ്ധേയമാകുന്നത്. ഏറെ വ്യത്യസ്തമായ ഒരു ചിത്രമായിരുന്നു താഴ്വാരം എന്നും വെറും നാല് കഥാപാത്രങ്ങളെ മാത്രം വെച്ചുകൊണ്ട് മുന്നോട്ടുപോകുന്ന കഥാ രീതിയായിരുന്നു ആ ചിത്രത്തിന്റെതെന്നും ഏതു രാജ്യത്തും ഇങ്ങനെ ഒരു കഥ എടുക്കാൻ സാധിക്കുമെന്നും അദ്ദേഹം വ്യക്തമാക്കുന്നു. ഇത്രയും കുറച്ചു കഥാപാത്രങ്ങൾ മാത്രം വെച്ചുകൊണ്ട് വലിയ ടെൻഷനിലൂടെ കഥ പറയുക അത്ര എളുപ്പമല്ല. പക്ഷേ ഈ ചിത്രം അതിൽ വിജയിച്ചു. ബാലൻ എന്ന കഥാപാത്രത്തെയാണ് മോഹൻലാൽ ഈ ചിത്രത്തിൽ അഭിനയിച്ചത്. സുമലതയാണ് നായികയായി എത്തിയത്. മോഹൻലാലിന്റെ കരിയറിലെ തന്നെ ഏറെ പ്രധാനപ്പെട്ട ഒരു കഥാപാത്രമാണ് താഴ്വാരത്തിലെ ബാലൻ. അത്തരം ഒരു കഥയും കഥാ സാഹചര്യവും ഒക്കെ മലയാളികൾക്ക് ഏറെ പുതുമ നിറഞ്ഞതായിരുന്നു. വില്ലനായി എത്തിയ കഥാപാത്രവും ഏറെ മികച്ച രീതിയിലാണ് അവതരിപ്പിക്കപ്പെട്ടത്. അതുപോലെ തന്നെ രാജാവിന്റെ മകൻ എന്ന ചിത്രത്തിലെ വിൻസന്റ് ഗോമസിനെ കുറിച്ചും മോഹൻലാൽ ഓർത്തെടുക്കുന്നുണ്ട്. അന്നത്തെ കാലത്ത് സ്ക്രിപ്റ്റ് എഴുതുന്ന ശീലം ഉണ്ടായിരുന്നില്ല എന്നും സംവിധായകരുടെ മനസ്സിൽ ആണ് കഥയുണ്ടാവാറുണ്ടായിരുന്നത് എന്നും അദ്ദേഹം വ്യക്തമാക്കുന്നു. കൃത്യമായി കഥാപാത്രത്തെ പറഞ്ഞു തരാൻ സംവിധായകർക്ക് കഴിഞ്ഞിരുന്നു എന്നും അദ്ദേഹം കൂട്ടിച്ചേർത്തു.