ബോളിവുഡിലേക്കും എൻടിആർ | Jr NTR | War 2 |
1034 views
സിനിമ വീഡിയോസ് സബ്സ്ക്രൈബ് ചെയ്യൂലോകത്തിനു മുന്നിൽ ആർആർആർ എന്ന ചിത്രം ഏറെ പ്രശസ്തി നേടി കഴിഞ്ഞു. നടൻ ജൂനിയർ എൻടിആറും മികച്ച സ്റ്റാർ വാല്യുവിലേക്കാണ് എത്തിയിരിക്കുന്നത്. പുതിയ ചിത്രത്തിൽ അദ്ദേഹത്തിന് ലഭിക്കാൻ പോകുന്നത് 100 കോടി രൂപയാണ് എന്ന വാർത്തകളാണ് ഇപ്പോൾ തെലുങ്കിൽ നിന്നും എത്തിയിരിക്കുന്നത്. അതും ബോളിവുഡ് അരങ്ങേറ്റത്തിലൂടെയാണ് ഇത്രയും ഭീമമായ തുക ലഭിക്കാൻ പോകുന്നത്. ഹൃതിക് റോഷൻ നായകനായി എത്തിയ വാർ എന്ന ചിത്രത്തിന്റെ രണ്ടാം ഭാഗത്തിലൂടെയാണ് ജൂനിയർ എൻടിആറിന്റെ ബോളിവുഡ് പ്രവേശം നടക്കാൻ പോകുന്നത്. ടൈഗർ ഷറഫും ഈ ചിത്രത്തിന്റെ ആദ്യഭാഗത്തിൽ ഹൃതിക് റോഷനോടൊപ്പം എത്തിയിരുന്നു. ഇപ്പോൾ രണ്ടാം ഭാഗത്തിൽ ജൂനിയർ എൻടിആർ ആണ് പകരമായി എത്താൻ പോകുന്നത്. വില്ലൻ കഥാപാത്രത്തെ ആയിരിക്കും അദ്ദേഹം അവതരിപ്പിക്കുക എന്ന് സൂചനകളും തരുന്നുണ്ട്. ഒന്നാം ഭാഗം സംവിധാനം ചെയ്തത് സിദ്ധാർത്ഥ് ആനന്ദ് ആണ്. എന്നാൽ രണ്ടാം ഭാഗം അദ്ദേഹം ആയിരിക്കില്ല സംവിധാനം ചെയ്യുക. അയൻ മുഖർജി ആയിരിക്കും ചിത്രത്തിന്റെ രണ്ടാം ഭാഗത്തിന്റെ സംവിധായകൻ. ചിത്രത്തെ കുറിച്ചുള്ള കൂടുതൽ വിവരങ്ങൾ ഒന്നും തന്നെ ഇതുവരെ അണിയറ പ്രവർത്തകർ പുറത്ത് വിട്ടിട്ടില്ല. എന്നിരുന്നാലും ഇപ്പോൾ പുറത്തുവന്നിരിക്കുന്ന അപ്ഡേറ്റുകൾ കൊണ്ട് തന്നെ ആവേശത്തിലാണ് സിനിമ പ്രേമികൾ. പത്താൻ എന്ന ചിത്രം തീർത്ത വിസ്മയത്തിനു ശേഷം എത്തുന്ന മാസ് ആക്ഷൻ ചിത്രമായിരിക്കും ഇത്.