വിക്രത്തിന് പിന്നാലെ മാമന്നനിൽ | Fahad Fazil | Maamannan |
1014 views
സിനിമ വീഡിയോസ് സബ്സ്ക്രൈബ് ചെയ്യൂഫഹദ് ഫാസിൽ ഇനി തമിഴിൽ എത്താൻ പോകുന്നത് മാമന്നൻ എന്ന ചിത്രത്തിലൂടെയാണ്. വടിവേലുവും ഉദയനിധി സ്റ്റാലിനും പ്രധാന കഥാപാത്രങ്ങളായി എത്തുന്ന ചിത്രത്തിൽ വില്ലൻ കഥാപാത്രമായിട്ടായിരിക്കും ഫഹദ് ഫാസിൽ എത്തുക എന്ന റിപ്പോർട്ടുകളാണ് പുറത്തുവന്നിട്ടുള്ളത്. ചിത്രത്തിൽ കീർത്തി സുരേഷ് ആണ് നായികയായി എത്താൻ പോകുന്നത്. എ ആർ റഹ്മാൻ സംഗീത സംവിധാനം നിർവഹിക്കുന്ന ചിത്രം സംവിധാനം ചെയ്തിരിക്കുന്നത് മാരി സൽവരാജ് ആണ്. ചിത്രത്തിന്റെ പോസ്റ്ററിലുള്ള ഫഹദ് ഫാസിന്റെ ലുക്ക് ഇപ്പോൾ സോഷ്യൽ മീഡിയയിൽ ഏറെ ശ്രദ്ധ നേടുകയാണ്. ഇതിന് പിന്നാലെ ജിത്തു മാധവ് സംവിധാനം ചെയ്യുന്ന പുതിയ ചിത്രത്തിലും ഫഹദ് ഫാസിൽ ഒരു പ്രധാന വേഷം കൈകാര്യം ചെയ്യുന്നുണ്ട്. മാത്രമല്ല പുഷ്പ രണ്ടാം ഭാഗത്തിലും പ്രധാന വില്ലനായി എത്തുന്നത് ഫഹദ് ഫാസിൽ തന്നെയാണ്. ഒപ്പം ഹോംബാലെ ഫിലിംസ് ആദ്യമായി മലയാളത്തിൽ ഒരുക്കുന്ന ചിത്രമായ ധൂമത്തിലും അപർണ ബാലമുരളിയും ഫഹദ് ഫാസിലുമാണ് പ്രധാന വേഷങ്ങൾ ചെയ്യുന്നത്. രോമാഞ്ചത്തിന്റെ സംവിധായകനായ ജിത്തു മാധവന്റെ ചിത്രത്തിലെ ഫസ്റ്റ് പോസ്റ്റർ പുറത്തുവന്നതും സോഷ്യൽ മീഡിയയിൽ ഏറെ ശ്രദ്ധേയമായിരുന്നു. അങ്ങനെ മലയാളവും കടന്ന് തെന്നിന്ത്യയിൽ തന്നെ താരനിരയിലേക്ക് ഉയരുകയാണ് ഫഹദ് ഫാസിൽ. പാച്ചുവും അത്ഭുതവിളക്കും എന്ന ചിത്രമാണ് ഇപ്പോൾ ഫഹദ് ഫാസിലിന്റെതായി തിയേറ്ററുകളിൽ എത്തിയിട്ടുള്ളത്. മികച്ച പ്രതികരണമാണ് ചിത്രം നേടുന്നത്.