Cheena Trophy: ചീനാട്രോഫി കമ്മ്യൂണിസ്റ്റ് വിരുദ്ധ സിനിമയോ സംവിധായകൻ പറയുന്നതിങ്ങനെ
1063 views
സിനിമ വീഡിയോസ് സബ്സ്ക്രൈബ് ചെയ്യൂധ്യാൻ ശ്രീനിവാസൻ നായകനായെത്തിയ ചീനാട്രോഫി സിനിമയുമായി ബന്ധപ്പെട്ട വിവാദങ്ങളോട് പ്രതികരിച്ച് സംവിധായകൻ. കുട്ടനാട്ടിലെ ഒരു ഗ്രാമത്തിൽ പലഹാരങ്ങൾ നിർമ്മിച്ച് കടകളിൽ വിതരണം ചെയ്ത് ജീവിക്കുന്ന ഒരു യുവാവിനെ തേടി ചൈനയിൽ നിന്നും ഒരു യുവതി വരുന്നതും പിന്നീട് ഉണ്ടാകുന്ന സംഭവവികാസങ്ങളുമാണ് ചിത്രത്തിന്റെ ഇതിവൃത്തം. ഈ സിനിമയിലെ ഒരു സീനിൽ കമ്മ്യൂണിസ്റ്റ് പാർട്ടിക്ക് എതിരായി നായിക സംസാരിക്കുന്ന ഒരു രംഗമുണ്ട്. ഇതിനുപിന്നാലെ ചീനാട്രോഫി കമ്മ്യൂണിസ്റ്റ് പാർട്ടിക്ക് എതിരെയാണോ എന്ന ചോദ്യം സാമൂഹിക മാധ്യമങ്ങളിൽ ഉയർന്നുവന്നിരുന്നു. ഇക്കാര്യത്തിനാണ് ഇപ്പോൾ സംവിധായൻ അനിൽ ലാൽ വിശദീകരണം നൽകിയിരിക്കുന്നത്. തന്റെ സിനിമ കമ്മ്യൂണിസ്റ്റ് പാർട്ടിക്ക് എതിരല്ല. എല്ലായിടങ്ങളിലും നല്ലതും മോശവും ഉണ്ടാകും. അതെല്ലാം ഒരു ബാലൻസിംഗിലാണ് സിനിമയിൽ അവതരിപ്പിച്ചിരിക്കുന്നത്. താനും ഒരു ഇടതുപക്ഷ ചിന്താഗതിക്കാരനും പഴയ എസ് എഫ് ഐ പ്രവർത്തകനുമാണ്. ചിത്രത്തിൽ ജോണി ആന്റണി അവതരിപ്പിച്ച ഇടതുപക്ഷ നേതാവിനെ പോലെയുള്ളവരെ കാണാനാണു താൻ ആഗ്രഹിക്കുന്നതെന്നും അനിൽ ലാൽ പറഞ്ഞു. ധ്യാനിനൊപ്പം ആൻഡ്രോയ്ഡ് കുഞ്ഞപ്പനിലെ നായിക കെന്റി സിർദോയാണ് നായികാ കഥാപാത്രത്തെ അവതരിപ്പിക്കുന്നത്. പ്രസിഡൻഷ്യൽ മൂവീസ് പ്രൈവറ്റ് ലിമിറ്റഡിന്റെ ബാനറിൽ അനൂപ് മോഹൻ, ആഷ്ലിൻ മേരി ജോയ്, ലിജോ ഉലഹന്നാൻ എന്നിവർ ചേർന്നാണ് സിനിമ നിർമിച്ചത്. ജാഫർ ഇടുക്കി, സുധീഷ്, കെപിഎസി ലീല, ദേവിക രമേഷ്, പൊന്നമ്മ ബാബു, സുനിൽ ബാബു, ജോണി ആന്റണി, ജോർഡി പൂഞ്ഞാർ, നാരായണൻ കുട്ടി, വരദ, ബിട്ടു തോമസ് തുടങ്ങിയ നിരവധി താരങ്ങളും സിനിമയിൽ പ്രധാന കഥാപാത്രങ്ങളെ കൈകാര്യം അവതരിപ്പിച്ചിട്ടുണ്ട്.