ചിമ്പുവിന്റെ നായികയാകാൻ ദീപിക? | Deepika Padukone | Silambarasan |
1049 views
സിനിമ വീഡിയോസ് സബ്സ്ക്രൈബ് ചെയ്യൂതമിഴ് സിനിമയിലേക്ക് ഒരു തിരിച്ചു വരവിന് ഒരുങ്ങുകയാണ് നടി ദീപിക പദുക്കോൺ എന്ന വാർത്തകളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. മുൻപ് രജനീകാന്ത് നായകനായ കൊച്ചടയാൻ എന്ന സിനിമയിൽ ദീപികയാണ് നായികയായി എത്തിയത്. എന്നാൽ ചിത്രം വലിയ വിജയമായിരുന്നില്ല. പരീക്ഷണ ചിത്രമായിരുന്നതു കൊണ്ടുതന്നെ ബോക്സ് ഓഫീസിൽ വലിയ ചലനം സൃഷ്ടിക്കാൻ ഈ ചിത്രത്തിന് സാധിച്ചില്ല. തെലുങ്കിലെ തന്റെ ആദ്യ ചിത്രത്തിലും ഇപ്പോൾ ദീപിക അഭിനയിച്ചു കഴിഞ്ഞു. പ്രഭാസ് നായകനായി എത്തുന്ന പ്രോജക്ട് കെ എന്ന ചിത്രത്തിലാണ് ദീപിക അഭിനയിച്ചിരിക്കുന്നത്. ചിത്രത്തിൽ അമിതാഭ് ബച്ചനും ദിഷ പടാനിയും മറ്റു പ്രധാന വേഷങ്ങൾ അവതരിപ്പിക്കുന്നുണ്ട്. തമിഴിൽ ചിമ്പുവിന്റെ നായികയായിട്ടായിരിക്കും ദീപിക എത്താൻ പോകുന്നത് എന്ന വാർത്തകളാണ് പുറത്തുവരുന്നത്. ഇക്കാര്യത്തിൽ ഔദ്യോഗിക സ്ഥിരീകരണം ഇതുവരെ എത്തിയിട്ടില്ല. ദുൽഖർ സൽമാൻ നായകനായ എത്തിയ കണ്ണും കണ്ണും കൊള്ളയടിത്താൽ എന്ന ചിത്രത്തിനു ശേഷം ദേശിങ് പെരിയ സ്വാമി സംവിധാനം ചെയ്യുന്ന ചിത്രം കൂടിയാണിത്. വെന്ത് തനിന്തത് കാട്, പത്ത് തല എന്നീ ചിത്രങ്ങൾക്ക് ശേഷം ചിമ്പു അഭിനയിക്കുന്ന ചിത്രമാണ് പുതിയതായി എത്താൻ പോകുന്നത്. പാൻ ഇന്ത്യൻ ചിത്രമായി വിവിധ ഭാഷകളിൽ ആയിരിക്കും ചിത്രത്തിന്റെ റിലീസ്. ചിത്രത്തിൽ ദീപിക ഉണ്ടാകുമെന്ന് പ്രതീക്ഷയിൽ തന്നെയാണ് ഇപ്പോൾ പ്രേക്ഷകരും.