ആകാശത്തുവെച്ച് പിറന്നാൾ ആഘോഷം; വീഡിയോ പങ്കുവെച്ച് നടി റീനു മാത്യൂസ്നടി റീനു മാത്യുസിനു ആകാശത്തുവെച്ച് പിറന്നാൾ സർപ്രൈസ് ഒരുക്കി സഹപ്രവർത്തകർ. ബർത്തഡേ കാർഡിനൊപ്പം കേക്കുമായിട്ടാണ് സർപ്രൈസ് ഒരുക്കിയത്. വിമാനത്തിൽ ജോലിക്കിടെയാണ് സഹപ്രവർത്തകർ റീനുവിന് പിറന്നാൾ സർപ്രൈസ് ഒരുക്കിയത്. എമിറേറ്റ്സ് എയർലൈൻസിലെ എയർഹോസ്റ്റസാണ് റീനു മാത്യൂസ്. സഹപ്രവർത്തകർ ഒരുക്കിയ ഈ വീഡിയോ റീനു തന്റെ ഇൻസ്റ്റാഗ്രാമിൽ പങ്കുവെക്കുകയും ചെയ്തു. ഇമ്മാനുവൽ എന്ന സിനിമയിൽ മമ്മൂട്ടിയുടെ നായികയായാണ് താരം സിനിമയിലേക്ക് എത്തിയത്. അഞ്ചു സുന്ദരികൾ, കുള്ളന്റെ ഭാര്യ, പ്രെയ്സ് ദ് ലോർഡ്, സപ്തമ.ശ്രീ തസ്കരാഃ, ഇയ്യോബിന്റെ പുസ്തകം എന്നിങ്ങനെ നിരവധി സിനിമകളിൽ അഭിനയിച്ച റീനു ഇപ്പോൾ സിനിമയിൽ നിന്നും താത്കാലികമായി ഇടവേള എടുത്തിരിക്കുകയാണ്.