സംശയിച്ച് ആരാധകർ | Rashmika Mandanna | |
തെന്നിന്ത്യയുടെ പ്രിയപ്പെട്ട താര സുന്ദരിമാരിൽ ഒരാളാണ് രശ്മിക മന്ദാന. വിജയ് നായകനായി എത്തിയ വാരിസ് എന്ന ചിത്രത്തിലാണ് ഏറ്റവും ഒടുവിൽ രശ്മിക അഭിനയിച്ചത്. ചിത്രത്തിലെ പ്രകടനം ഒരേസമയം പ്രശംസയും വിമർശനവും നേടിയിരുന്നു. ഇപ്പോൾ മറ്റൊരു വിവാദത്തിൽ അകപ്പെട്ടിരിക്കുകയാണ് താരം. അടുത്തിടെ ഒരു ജങ്ക് ഫുഡ് ബ്രാൻഡിനു വേണ്ടി രശ്മിക മന്ദാന ഒരു പരസ്യത്തിൽ അഭിനയിച്ചിരുന്നു. ഈ പരസ്യം തന്റെ സോഷ്യൽ മീഡിയ അക്കൗണ്ടിലൂടെ പങ്കുവെക്കുകയും പരസ്യം വൻതോതിൽ പ്രചരിക്കുകയും ചെയ്തു. എന്നാൽ പിന്നീടാണ് രശ്മിക സസ്യഭുക്ക് ആയിട്ടും എന്തുകൊണ്ട് ഇങ്ങനെ ഒരു പരസ്യത്തിൽ അഭിനയിച്ചു എന്ന് ചോദ്യങ്ങൾ ഉയർന്നത്. സസ്യഭുക്കായ രശ്മിക ചിക്കൻ ബർഗർ കഴിക്കുന്നത് ആയിട്ടാണ് പരസ്യത്തിൽ അഭിനയിച്ചിട്ടുള്ളത്. അപ്പോൾ എന്തുകൊണ്ടാണ് ഇത്തരത്തിൽ മിസ്ലീഡിങ് ആയ ഒരു കാര്യം പ്രേക്ഷകരിലേക്ക് എത്തിക്കുന്നത് എന്നും രശ്മിക നുണ പറയുകയാണോ എന്നും പ്രേക്ഷകർ ചോദിക്കുന്നു. രശ്മിയുടെ ആരാധകർ അടക്കം ഇക്കാര്യം ചോദിക്കുന്നുണ്ട്. നിരവധി ട്രോളുകളാണ് ഇതുമായി ബന്ധപ്പെട്ട് ഇപ്പോൾ സാമൂഹ്യ മാധ്യമങ്ങളിൽ പ്രചരിക്കുന്നത്. മുൻപും ഇത്തരത്തിലുള്ള ട്രോളുകൾ രശ്മികയുടെ കരിയറിൽ വന്നിട്ടുണ്ട്. ബോളിവുഡ് സിനിമ ഗാനങ്ങളും തെന്നിന്ത്യൻ ഗാനങ്ങളുമായി ബന്ധപ്പെട്ടാണ് മുൻപ് ഒരു വിവാദം ഉണ്ടായത്. ബോളിവുഡ് ഗാനങ്ങളാണ് കൂടുതൽ മനോഹരം എന്നും തെന്നിന്ത്യൻ ഗാനങ്ങൾ മസാല ഗാനങ്ങളും ഐറ്റം നമ്പറുകളും ആണ് എന്ന രശ്മിയുടെ അഭിപ്രായപ്രകടനത്തിനെ തുടർന്നാണ് ആരാധകർ വിമർശനം നടത്തിയത്.cinemaTimesXP MalayalamUpdated: 10 May 2023, 6:10 pm