ഡ്രീം പ്രോജക്ടുമായി നയൻതാര | Nayanthara | Dream Project |
1078 views
സിനിമ വീഡിയോസ് സബ്സ്ക്രൈബ് ചെയ്യൂ10 വർഷത്തിലേറെ സിനിമ ഇൻഡസ്ട്രിയിൽ നിലനിൽക്കാൻ നായികമാർ ഏറെ ബുദ്ധിമുട്ടുന്ന കാലത്ത് 20 വർഷത്തോളമായി ഇൻഡസ്ട്രിയിൽ നിറഞ്ഞു നിൽക്കുകയാണ് തെന്നിന്ത്യൻ സൂപ്പർതാരം നയൻതാര. ഇപ്പോൾ തമിഴും തെലുങ്കും മലയാളവും കടന്ന് ബോളിവുഡിലേക്ക് കൂടി തന്റെ താരസാന്നിധ്യം ഉറപ്പുവരുത്തുകയാണ് നയൻ. വിവാഹവും കുഞ്ഞുങ്ങളും ഒക്കെയായി തിരക്കേറിയ ജീവിതം നയിക്കുമ്പോഴും കരിയറിന് ഇത്രയേറെ പ്രാധാന്യം നൽകുന്നു എന്നത് തന്നെയാണ് സൂപ്പർസ്റ്റാറായി നയൻതാരയെ നിലനിർത്തുന്നത്. ഇപ്പോൾ നയൻതാര ഡ്രീം പ്രോജക്റ്റിലേക്ക് ആണ് എത്തിയിരിക്കുന്നത്. കമൽഹാസൻ നായകനായി എത്തുന്ന പുതിയ ചിത്രത്തിലേക്കാണ് നയൻതാരയെ നായകയായി വിളിച്ചിരിക്കുന്നത് എന്നാണ് കോളിവുഡിൽ നിന്നും പുറത്തുവരുന്ന വിവരം. സംവിധായകൻ മണിരത്നമാണ് ഈ ചിത്രം സംവിധാനം ചെയ്യുന്നത് എന്നതാണ് ഇതുമായി ബന്ധപ്പെട്ട ഏറ്റവും വലിയ പ്രത്യേകത. അതുകൊണ്ടുതന്നെ വളരെ സന്തോഷത്തോടെയാണ് നയൻതാരയും കമൽഹാസനും ഈ ചിത്രത്തിനുവേണ്ടി തയ്യാറെടുക്കുന്നത്. നിലവിൽ ഷാരൂഖാൻ നായകനായി എത്തുന്ന ജവാൻ എന്ന ചിത്രത്തിലാണ് നയൻതാര നായികയായി അഭിനയിച്ചിരിക്കുന്നത്. നയൻതാരയുടെ ആദ്യ ബോളിവുഡ് ചിത്രമായി എത്തുന്ന ജവാൻ ആക്ഷൻ ത്രില്ലർ ആയിട്ടാണ് എത്തുന്നത്. എന്തായാലും നയൻതാരയുടെ പുതിയ സിനിമയുടെ വിവരങ്ങൾ പുറത്തുവന്നതോടെ ഏറെ സന്തോഷത്തിലാണ് ആരാധകർ. ഇന്ത്യയിലെ ഒട്ടുമിക്ക നായകമാരും കൊതിക്കുന്ന ഒന്നാണ് മണിരത്നത്തിന്റെ നായിക ആവുക എന്നത്. ആ ഭാഗ്യമാണ് ഇപ്പോൾ നയൻതാരയെ തേടിയെത്തിയിരിക്കുന്നത്.