വമ്പൻ തിരിച്ചുവരവിനൊരുങ്ങി നിവിൻ പോളി| nivin pauli | haneef adeni |
1057 views
സിനിമ വീഡിയോസ് സബ്സ്ക്രൈബ് ചെയ്യൂസമീപകാലത്ത് ഒരുപാട് ബോഡി ഷെയ്മിങ് കമന്റുകൾ നേരിടേണ്ടി വന്ന നടനാണ് നിവിൻ പോളി. ഇപ്പോൾ വലിയൊരു തിരിച്ചുവരവിനാണ് അദ്ദേഹം ഒരുങ്ങുന്നത്. തുറമുഖം എന്ന ചിത്രമാണ് നിവിൻ പോളിയുടെതായി ഏറ്റവും ഒടുവിൽ തിയേറ്ററുകളിലേക്ക് എത്തിയത്. രാജീവ് രവി ഒരുക്കിയ ചിത്രത്തിന് സമ്മിശ്ര പ്രതികരണമാണ് തിയേറ്ററിൽ ലഭിച്ചത്. ചിത്രം ഒടിടി സ്ട്രീമിങ്ങും ആരംഭിച്ചിരുന്നു. ഇപ്പോൾ ഹനീഫ് അദേനി സംവിധാനം ചെയ്യുന്ന പുതിയ ചിത്രത്തിന്റെ തിരക്കുകളിലാണ് നിവിൻ പോളി. മിഖായേൽ എന്ന ചിത്രത്തിലാണ് മുൻപ് ഇരുവരും ഒരുമിച്ച് വർക്ക് ചെയ്തത്. 15 കിലോ ശരീരഭാരം കുറച്ചാണ് പുതിയ സിനിമയിൽ നിവിൻ പോളി എത്തുന്നത്. കൂടാതെ താരം എന്നൊരു പുതിയ ചിത്രത്തിൽ കൂടി നിവിൻപോളി ജോയിൻ ചെയ്തിട്ടുണ്ട്. ഇതിന് പിന്നാലെ ആക്ഷൻ ഹീറോ ബിജു എന്ന സൂപ്പർഹിറ്റ് ചിത്രത്തിന്റെ രണ്ടാം ഭാഗവും ഉടൻതന്നെ ഷൂട്ടിംഗ് ആരംഭിക്കും. മികച്ച പല സംവിധായകരുടെയും ചിത്രങ്ങൾക്ക് നിവിൻ പോളി കൈ കൊടുത്തിട്ടുണ്ട് എന്ന വാർത്തകളും പുറത്തുവന്നിട്ടുണ്ട്. അതുകൊണ്ടുതന്നെ ഇനി വരാൻ പോകുന്നത് ഒരു മികച്ച തിരിച്ചുവരവ് തന്നെയായിരിക്കും എന്നാണ് പ്രേക്ഷകർ പ്രതീക്ഷിക്കുന്നത്. പ്രേമം പോലെയുള്ള ചിത്രങ്ങൾ ഉണ്ടാക്കിയ ഓളം കേരളത്തിലെ പ്രേക്ഷകർക്ക് ഒരിക്കലും മറക്കാനാവില്ല. അത്തരത്തിലുള്ള ഗംഭീര ചിത്രങ്ങൾ നിവിൻ പോളിയിൽ നിന്നും പ്രേക്ഷകർ പ്രതീക്ഷിക്കുകയാണ്. അതിനുള്ള കാത്തിരിപ്പാണ് പ്രേക്ഷകരുടെ ഭാഗത്തുനിന്നുള്ളത്.