ബിഎസ്ഇ ഇന്ത്യയുടെ ആപ്ലിക്കേഷനിലൂടെ നേരിട്ട് വിവരങ്ങൾ ലഭിക്കും
1026 views
ബിസിനസ് വീഡിയോസ് സബ്സ്ക്രൈബ് ചെയ്യൂബോംബെ സ്റ്റോക്ക് എക്സ്ചേഞ്ചിന്റെ ആപ്ലിക്കേഷനാണ് 'ബിഎസ്ഇ ഇന്ത്യ'. നിക്ഷേപകർക്ക് ആവശ്യമായ വിവരങ്ങൾ ഔദ്യോഗികമായിത്തന്നെ നേരിട്ടു നൽകുന്ന ഒരു ആപ്ലിക്കേഷനാണിത്. ഓഹരിവിപണിയുമായി ബന്ധപ്പെട്ട വിവരങ്ങൾ ലൈവായിത്തന്നെ ഇവിടെ നിന്ന് ലഭ്യമാവുന്നു. ഉദാഹരണത്തിന് ഏറ്റവും കൂടുതൽ ലാഭം/നഷ്ടം ഉണ്ടാക്കിയ ഓഹരികൾ, 52 ആഴ്ച്ചയിലെ ഉയർന്ന/താഴ്ന്ന നിലവാരത്തിലെത്തിയ ഓഹരികൾ മുതലായ വിവരങ്ങൾ എല്ലാം ഇവിടെ നിന്നു ലഭിക്കുന്നു. കമ്പനികളുടെ പാദഫലങ്ങൾ പ്രഖ്യാപനം ഉൾപ്പെടെയുള്ള കോർപറേറ്റ് വാർത്തകൾ അറിയാനും സാധിക്കും. പോർട്ഫോളിയോ, വാച്ച് ലിസ്റ്റ് എന്നിവ ആഡ് ചെയ്യാനും സൗകര്യമുണ്ട്. വളരെ വേഗത്തിലും, ലളിതമായും ഉപയോഗിക്കാൻ സാധിക്കുന്ന വിധത്തിലാണ് ബിഎസ്ഇ ഇന്ത്യയുടെ ആപ്പ് രൂപകല്പന ചെയ്തിരിക്കുന്നത്. ബിഎസ്ഇ, എൻഎസ്ഇ എന്നിവയുടെ വെബ്സൈറ്റുകളിലും വിപണിയുമായി ബന്ധപ്പെട്ട വിവരങ്ങളെല്ലാം ലഭിക്കുന്നതാണ്.