75 രൂപാ നാണയം വാങ്ങാനാകുമോ ? 75 Ruppee
1017 views
ബിസിനസ് വീഡിയോസ് സബ്സ്ക്രൈബ് ചെയ്യൂ2023 മെയ് 28- ന് ആണ് പ്രധാനമന്ത്രി നരേന്ദ്ര മോദി പുതിയ 75 രൂപ കോയിൻ അവതരിപ്പിച്ചത്. പുതിയ പാർലമെന്റ് മന്ദിരത്തിന്റെ ഉദ്ഘാടനത്തോടനുബന്ധിച്ച് പ്രത്യേക സ്മരണാർത്ഥം പുറത്തിറക്കിയ കോയിൻ, 2000 രൂപ നോട്ട് പിൻവലിച്ചതിന് ശേഷം പുറത്തിറക്കുന്ന ആദ്യ ഡിനോമിനേഷൻ കൂടിയാണ്. ധനമന്ത്രാലയത്തിന് കീഴിലുള്ള സാമ്പത്തികകാര്യ വകുപ്പിന്റെ റിപ്പോർട്ട് പ്രകാരം പുതിയ 75 രൂപ കോയിന്റെ ഭാരം ഏകദേശം 34.65- 35.35 ഗ്രാം വരെ ആണ്. അതേസമയം നാല് ലോഹങ്ങളുടെ സങ്കരം ഉപയോഗിച്ച് നിർമ്മിക്കുന്ന നാണയത്തിന്റെ വിലയാണ് ഇപ്പോൾ ഏറെ ചർച്ച ചെയ്യപ്പെടുന്നത്. പുതിയ പാർലമെന്റ് കെട്ടിടത്തിന്റെ സ്മരാണാർത്ഥമാണ് പുതിയ നാണയം പുറത്തിറക്കിയിട്ടുള്ളത്. നാണയത്തിന്റെ ഒരു വശത്ത് പാർലമെന്റ് കോംപ്ലക്സിന്റെ ചിത്രവും ചിത്രത്തിന് താഴെ അന്താരാഷ്ട്ര അക്കത്തിൽ '2023' എന്ന വർഷവും ആലേഖനം ചെയ്തിട്ടുണ്ട്. മറുവശത്ത് ദേവനാഗരി ലിപിയിൽ 'ഭാരത്' എന്നും ഇംഗ്ലീഷിൽ 'ഇന്ത്യ' എന്നും എഴുതിയിരിക്കുന്നു. ഇതു ഇരുവശങ്ങളിലാണ്. മധ്യഭാഗത്ത് അശോകസ്തംഭവും അതിന് തൊട്ടു താഴെയായി രൂപയുടെ ചിഹ്നവും 75 രൂപയെന്ന ഡിനോമിനേഷനും കാണാം. 50 ശതമാനം വെള്ളി, 40 ശതമാനം ചെമ്പ്, 5 ശതമാനം നിക്കൽ, 5 ശതമാനം സിങ്ക് എന്നിവ ഉപയേഗിച്ചാണ് ഓരോ നാണയവും നിർമിച്ചിരിക്കുന്നത്.