Credit Card Balance Transfer: ക്രെഡിറ്റ് കാർഡ് കുടിശിക തലവേദന മാറ്റാൻ ബാലൻസ് ട്രാൻസ്ഫർ
ബിസിനസ് വീഡിയോസ് സബ്സ്ക്രൈബ് ചെയ്യൂ
ക്രെഡിറ്റ് കാർഡ് ഉപയോഗിക്കുന്നവരുടെ ഏറ്റവും വലിയ തലവേദനയാണ് ക്രെഡിറ്റ് കാർഡ് കുടിശിക. ഈ കുടിശിക എങ്ങനെയെങ്കിലും ഒന്ന് തീർക്കുന്നതിനായി നട്ടം തിരിയുന്ന ഒരുപാടുപേർ നമുക്ക് ചുറ്റും ഉണ്ട്. കുടിശിക അടക്കുമ്പോൾ ശ്രദ്ധിക്കാതെ പോകുന്ന ചില കാരണങ്ങളാൽ ആണ് ക്രെഡിറ്റ് കാർഡ് കുടിശിക ഒരു തലവേദനയായി മാറുന്നത്. ആർബിഐയുടെ റിപ്പോർട്ട് അനുസരിച്ച് ക്രെഡിറ്റ് കാർഡ് കുടിശ്ശിക 2022 മാർച്ചിലെ 1.64 ലക്ഷം കോടിയിൽ നിന്ന്, 2023 മാർച്ചിൽ 2.10 ലക്ഷം കോടി രൂപയായി ഉയർന്നിട്ടുണ്ട്. ഈ റിപ്പോർട്ടിൽ നിന്ന് തന്നെ വ്യക്തമാണ് കുടിശ്ശിക ഒരു തലവേദയാണ് എന്നത്. ഈ തലവേദനക്ക് ഒരു മികച്ച ബദലാണ് ക്രെഡിറ്റ് കാർഡ് ബാലൻസ് ട്രാൻസ്ഫർ. പക്ഷെ ക്രെഡിറ്റ് കാർഡ് ഉപയോഗിക്കുന്ന അധിക ആളുകൾക്കും അറിയില്ല എന്താണ് ക്രെഡിറ്റ് കാർഡ് ബാലൻസ് ട്രാൻസ്ഫർ എന്ന്.