Old Passbook: അച്ഛന്റെ 60 വർഷം പഴക്കമുള്ള പാസ്ബുക്ക് മകനെ കോടീശ്വരനാക്കിചിലി സ്വദേശിയായ എക്സിക്വൽ ഹിനോജോസ എന്ന യുവാവാണ് നിലവിൽ സമൂഹമാധ്യമങ്ങളിൽ ചർച്ച വിഷയം. അച്ഛന്റെ 60 വർഷം പഴക്കമുള്ള ഒരു പാസ്ബുക്ക് യുവാവിനെ ഒറ്റദിവസം കൊണ്ട് കോടീശ്വരനാക്കി. 1960- 70 കാലഘട്ടത്തിൽ എക്സിക്വയലിന്റെ പിതാവ് ഭാവിയിൽ ഒരു വീട് വാങ്ങുകയെന്ന ലക്ഷ്യത്തോടെ ഏകദേശം 1.40 ലക്ഷം ചിലി പെസോസ് നിക്ഷേപിച്ചിരുന്നു. സന്തോഷത്തോടെ ബാങ്കിലെത്തിയപ്പോൾ ബാങ്ക് പണ്ടേ അടച്ചുപൂട്ടി എന്നാണ് ഈ മകൻ അറിയുന്നത്. ഇതോടെ പ്രതീക്ഷകൾ മങ്ങി. എന്നാൽ പാസ്ബുക്ക് വിശദമായി പരിശോധിച്ച എക്സിക്വൽ മറ്റാരും ശ്രദ്ധിക്കാതെ വിട്ട മറ്റൊരു കാര്യം കണ്ടെത്തി. തന്റെ അച്ഛൻ നിക്ഷേപം നടത്തിയ ബാങ്കിലെ നിക്ഷേപങ്ങൾക്ക് സർക്കാർ ഗ്യാരണ്ടി നൽകിയിരുന്നു. അതായത് ബാങ്ക് തകരുകയോ, അടച്ചുപൂട്ടുകയോ ചെയ്താൽ നിക്ഷേപകർക്ക് സർക്കാർ പണം ഉറപ്പാക്കുമെന്നായിരുന്നു വാഗ്ദാനം. എന്നാൽ നിലവിലെ സർക്കാർ പഴയ സർക്കാരിന്റെ ഈ വാഗ്ദാനം നിരസിച്ചു. തുടർന്ന് നിയമയുദ്ധം ആരംഭിച്ചു. മകന് അനുകൂലമായി വിധി വന്നു. 1.2 മില്യൺ ഡോളർ, അതായത് ഒരു ബില്യൺ ചിലിയൻ പെസോസ് എക്സിക്വലിന് നൽകാൻ കോടതി നിർദ്ദേശിച്ചു.