Personal Finance: ഹൗസ്ഹോൾഡ് സേവിങ്സ് കൃത്യമായി മുന്നോട്ടു കൊണ്ടുപോയില്ലെങ്കിൽ പണികിട്ടും
1056 views
ഹൗസ്ഹോൾഡ് സേവിങ്സ്, എത്രപേർക്ക് ഇങ്ങനൊരു സേവിങ്സിനെ കുറിച്ചറിയാം. എത്രപ്പേർ ഹൗസ്ഹോൾഡ് സേവിങ്സ് കൃത്യമായി മുന്നോട്ടു കൊണ്ടുപോകുന്നുണ്ട്. ഈ ചോദ്യങ്ങൾക്കുള്ള ഉത്തരം റിസർവ് ബാങ്ക് കുറച്ചു ദിവസങ്ങൾക്ക് മുൻപ് പുറത്തുവിട്ടിരുന്നു. പുറത്തുവിട്ട ആ റിപ്പോർട്ട് പ്രകാരം ഇന്ത്യയിലെ ഹൗസ്ഹോൾഡ് സേവിങ്സ് വൻതോതിൽ കുറഞ്ഞു വരുന്നു എന്നാണ്. രാജ്യമിന്ന് ഏറ്റവും കൂടുതൽ നേരിടുന്ന പ്രതിസന്ധിയായ പണപ്പെരുപ്പമാണ് ഇതിന് പിന്നിലെ പ്രധാന കാരണം. ഈ ഒരു പണപ്പെരുപ്പം കാരണം സേവിങ്സിലേക്ക് നീക്കിവെച്ച പണമാണ് മിക്കവരും നിത്യ ജീവിതത്തിലെ ആവശ്യങ്ങൾക്കായി ഉപയോഗിക്കുന്നത്. എന്നാൽ ഈ പണപ്പെരുപ്പം നമ്മുടെയെല്ലാം സാമ്പത്തിക സ്ഥിതിയെ തകർക്കാൻ നാം അനുവദിച്ചുകൂടാ. അതിനായി കൃത്യമായി പണം ട്രാക്ക് ചെയുകയും വിവിധ ആവശ്യങ്ങൾക്കായി തരം തിരിച്ച് പണം നീക്കിവെക്കുകയും വേണം.