UPI: യുപിഐ വഴി തെറ്റായി അയക്കുന്ന പണം ഇനി വീണ്ടെടുക്കാം
1053 views
പണമിടപാടുകൾ എളുപ്പത്തിൽ നടത്തുന്നതിന് യുപിഐ ഉപയോഗിക്കുന്നവരാകും നമ്മളിൽ പലരും. എന്നാൽ ചില സമയത്ത് പണമയക്കുമ്പോൾ അയക്കേണ്ടയാളുടെ നമ്പർ മാറിപ്പോവുകയോ, തെറ്റായ ക്യൂആർ കോഡ് തിടുക്കത്തിൽ സ്കാൻ ചെയ്യുകയോ പോലുള്ള പിശകുകൾ സംഭവിക്കാം. ഈ പിഴവുകളിലൂടെ വിചരിക്കാത്ത അക്കൗണ്ടിലേക്ക് തെറ്റായി ഫണ്ട് ട്രാൻസ്ഫർ ചെയ്തെന്നും വരാം. എന്നാൽ, ഈ തുക എങ്ങനെ വീണ്ടെടുക്കും? പലർക്കും യുപിഐ ഉപയോഗിക്കുമ്പോൾ ഉണ്ടായേക്കാവുന്ന ഒരു വെല്ലുവിളിയാണിത്. ഇത്തരത്തിൽ പലരുടെയും പണം നഷ്ട്ടമായിട്ടുമുണ്ടാകാം. എന്നാൽ, തെറ്റായ അക്കൗണ്ടിലേക്ക് പണം അയച്ചുകഴിഞ്ഞാൽ നിരാശപ്പെടാതെ എത്രയുംപെട്ടെന്ന് പണം തിരിച്ചുകിട്ടാനുള്ള നടപടികൾ ചെയേണ്ടതുണ്ട്. യുപിഐ ഇടപാടുകൾ നടത്തുമ്പോൾ തെറ്റായി ട്രാൻസ്ഫർ ചെയ്താൽ, റീഇംബേഴ്സ്മെന്റ് തേടാനുള്ള ഓപ്ഷനുണ്ട്. യുപിഐ ഇടപാടുകളിൽ എന്തെങ്കിലും പ്രശ്നമുണ്ടെങ്കിൽ, ഉടനടി റിപ്പോർട്ട് ചെയുക. ചില നിബന്ധനകൾക്ക് വിധേയമായി ആവശ്യമുള്ളപ്പോൾ യുപിഐ ഇടപാടിന്റെ റിവേഴ്സൽ അഭ്യർത്ഥിക്കാൻ സാധിക്കും. ഒരു യുപിഐ ഇടപാട് റീഇംബേഴ്സ് ചെയ്യുന്ന പ്രക്രിയ ആരംഭിക്കുന്നതിനും, വേഗത്തിൽ പ്രക്രിയ നടപടിയെടുക്കുന്നതിനും യുപിഐയുമായി കണക്ട് ചെയ്തിരിക്കുന്ന ബാങ്കിനേയോ, യുപിഐ സേവനദാതാവിനെയോ ബന്ധപ്പെടുകയും ചെയ്യാം.