Queen Elizabeth Coin: എലിസബത്ത് രാജ്ഞിയുടെ സ്മരണയ്ക്കായി നിർമിച്ച ലോകത്തിലെ ഏറ്റവും മൂല്യംകൂടിയ കോയിൻലോകത്തിലെ ഏറ്റവും മൂല്യംകൂടിയ കോയിൻ അങ്ങനെ സൃഷ്ടിക്കപ്പെട്ടിരിക്കുകയാണ്‌. ഏകദേശം 4 കിലോ സ്വർണവും 6,400 ലധികം വജ്രങ്ങളും ഉപയോഗിച്ചാണ് ഈ അമൂല്യ നാണയം നിർമ്മിച്ചിരിക്കുന്നത്. അന്തരിച്ച എലിസബത്ത് രാജ്ഞിയുടെ സ്മരണയ്ക്കായി നിർമിച്ച നാണയത്തിന് ആഗോള വാർത്ത ഏജൻസികളുടെ റിപ്പോർട്ട് പ്രകാരം ഈ 23 ദശലക്ഷം ഡോളർ വില വരും. അതായത് ഏകദേശം 192 കോടി രൂപ. അത്യാഡംബര ലൈഫ്സ്റ്റൈൽ ബ്രാൻഡായ ഈസ്റ്റ് ഇന്ത്യാ കമ്പനിയാണ് നാണയത്തിനു പിന്നിൽ. ഒരു വർഷം മുമ്പ് ലോകത്തോട് വിടപറഞ്ഞ എലിസബത്ത് രാജ്ഞിയോടുള്ള ആദരവിന്റെ സൂചകമായാണു കമ്പനി നാണയം പുറത്തിറക്കിയത്. കോമൺവെൽത്ത് രാജ്യങ്ങളിൽ നിന്നുള്ള തിരഞ്ഞെടുത്ത കരകൗശല വിദഗ്ധരുടെ 16 മാസത്തെ അധ്വാനമാണ് ഈ നാണയമെന്നു പറയേണ്ടി വരും. പ്രൊജക്റ്റിന്റെ വ്യാപ്തിയും പകർച്ചവ്യാധിയുടെ ഫലമായി ആഗോളതലത്തിൽ നേരിട്ട വജ്രങ്ങളുടെ ദൗർലഭ്യവും നിർമ്മാണത്തെ പല ഘട്ടങ്ങളിലും ബാധിച്ചിരുന്നുവെന്നും റിപ്പോർട്ടുകളുണ്ട്. ഏകദേശം 9.6 ഇഞ്ച് വ്യാസമുള്ള കോയിൻ ഒതു ബാസ്‌ക്കറ്റ് ബോളിന്റെ വലിപ്പമുള്ളതാണ്.